(فایزا خهلهف) کچەکا رزگاربوویە ژ دەستێ داعشێ” ل سالا 2001 ێ ل کۆمهلگەها “گرزەرك” یا سەر ب ناحیا گرعزێر ڤە ل باشووری چیایێ شنگالێ ژ دایك بوویه، ل دەمێ فەرمانا 3 ێ تەباخا سالا 2014 ێ ل شنگالێ فایزا ژی وەکو هزاران ژ کچ و ژنێن ئێزدی ژ ئالیێ تیرۆرستێن داعشێ ڤە هاتە رەڤاندن و ئەو خێزانا خوە ژ هەڤدو ڤهقهتییان.
فایزا” بۆ ئاژانسا خانی دبێژیت: ل گەل نێزیكبوونا هەشت سالان ل سەر وێ فەرمانێ و هەتا نوكە ژی بابێ من و سێ برا و خووشکا من چارەنڤیسێ وان یێ دیار نینە و ئەو ژی وەکو ب هزاران ژ ئێزدیان هەتا نوكە د بهرزهنه و ل وی دەمی تیرۆرستێن داعشێ ئەز ل گەل خوە بەرەف باژێرێ باغۆز ڤە بریم ل سووریێ و پشتی پێنچ سالێن نەخۆش و ب ئێش و ئازار و لێدان و دەستدرێژێ پشتی کەفتنا باژارێ باغۆز ئەز ژی ل گەل ب هزاران ژ کچ و ژنان هاتمە دناڤ کەمپا هۆلێ دا” پاشی ل 4/7/ 2019ێ ئەز ژناڤ وێ کەمپێ هاتمە رزگار کرن و ئەڤرۆ دبنە سێ سال ل سەر رزگارکرنا من و ئەز ڤێ رۆژێ وەکو رۆژا ژ دایكبوونا خوە دبینم ژبەر ئەز ژ دۆزەخەکێ هاتمە رزگار كرن.
ناڤهاتییێ گۆت ژی: هەتا چارەنڤیسێ وان هەموو کەس و کارێن مە یێن وبهرزه نەهێتە زانین چ جاران کهیف خۆشیا مە تەمام نابیت” ئەز داخوازێ ژ هەموو ئالیەکی دکهم ب جددی ل سەر بابەتێ کچ و ژنێن مە ل کەمپا هۆلێ ب راوەستن و نوكە مەترسیەکا مەزن ل سهر وان ههیه.
