رۆهنکرنەک ژ بارەگایێ بارزانی
ل ژمارەکا دەزگەهێن راگەهاندنێ و میدیایان دا وەسا هاتە بەلاڤکرن کو ل سەر بابەتێ پرۆسا سیاسی و ناڤێن بەربژارێن سەرۆک وەزیرێن حکومەتا داهاتی یا ئیراقێ، سەرۆک بارزانی پەیامەکا جودا بۆ سەرکردێن چارچوڤێ هەماهەنگییێ هنارتییە.
ل ڤێرە ب گشت لایەکی رادگەهینین کو ئەو نووچەیە دویرە ژ راستییێ و چ بنەمایەک نینە، دگەل هندێ دوپات دکەین د پرۆسا سیاسییا ئیراقێ و حکومەتا داهاتیدا، ناڤێ چ کەس و لایەنان ژبۆ سەرۆک بارزانی گرنگ نینە بەلکو بجهئینانا دەستووری و بەرنامێ حکومەتا داهاتی یا ئیراقێ گرنگە کو هەڤدەم پێدڤییە ئەو بەرنامە ل سەر بنەمایێ هەر سێ پرەنسیپێن شەراکەت و هەڤسەنگی و سازانێ بیت.
بارەگایێ بارزانی
6ـی تەمموزا 2022
