حكومه‌تا هه‌رێما كوردستانێ: راده‌ستى چ فشار و گه‌فێن حكومه‌تا فیدرال نابین

جڤاتا وه‌زیرێن هه‌رێما كوردستانێ راگه‌هاند، ئه‌و ب چ شێوه‌یان ده‌ستبه‌ردارى ماف و شایسته‌یێن ده‌ستوورى یێن هه‌رێمێ نابیت و راده‌ستى چ فشار و گه‌فێن حكومه‌تا عیراق نابیت، ژبه‌ركو حكومكه‌تا فیدرال دخوازیت مافێن خه‌لكێ كوردستانێ بنپێ بكه‌ت.

ئه‌ڤرۆ چارشه‌مبى 6ى ته‌موزا 2022ێ جڤاتا وه‌زیرێن هه‌رێما كوردستانێ ب سه‌رپه‌رشتییا سه‌رۆك وه‌زیران مه‌سرور بارزانى كۆمبوو، و پشتى كۆمبوونێ حكۆمه‌تا هه‌رێمێ دراگه‌هاندنه‌كێ دا دیاركر، جڤاتا وه‌زیران دووپاتكر كو ب چ شێوه‌یان ده‌ستبه‌ردارى ماف و شایسته‌یێن ده‌ستوورى یێن خه‌لكێ هه‌رێما كوردستانێ نابیت، و دێ ب هه‌موو رێكان داخوازا مافێن ده‌ستوورى یێن هه‌رێما كوردستانێ كه‌ت، حكومه‌تا عیراقێ دخوازیت مافێن خه‌لكێ كوردستانێ بنپێ بكه‌ت، لێ ئه‌و خوه‌ راده‌ستى چ فشار و گه‌فێن حكومه‌تا عیراقێ ناكه‌ن.