سهرۆكێ ئهمریكا جۆ بایدنى جارهكا دى دووپاتكر كو حكومهتا وى پابهندى پاراستنا ئاسایش و سهقامگێرییا ئیسرائیلێ یه، و ل دۆر رێككهڤتنا ئهتۆمى یا دگهل ئیرانى گوت: ئهو بۆ ههتا ههتایێ چاڤهرێى ئیرانێ نابن.
بایدنى درۆژا دووێ یا سهرهدانا خوهدا ل ئیسرائیلێ رێككهڤتنهكا ئێمناهییێ دگهل سهرۆك وهزیرێن ئیسرائیلێ یاییر لاپیدى ئیمزاكر.
بهشهكێ مهزن یێ ئاخڤتنێن سهرۆكێ ئهمریكا ل دهمێ ئیمزاكرنا رێككهڤتنێ، پهیوهندى ب رهوشا ئێمناهییا دهڤهرا رۆژههلاتا ناڤین و رۆلێ كۆمارا ئیسلامى یا ئیرانێ ڤه ههبوو.
بایدنى ئاشكراكر، ئیسرائیل تووشى ههرهشهیان بوویه و ئهو پابهندن سهقامگێرییا وێ ب پارێزن، و پێدڤییه رێك ب ئیرانێ نههێتهدان رێكخراوێن تیرۆرستى ب چهك بێخیت.
ههروهسا یاییر لاپید دیاركر، ئهو دانوستاندنان دگهل ئیرانێ نا راوهستینن و ئهگهر حكومهتا تههرانێ خاپاندنا جیهانێ دا یا بهردهوام بیت، دێ باجهكا مهزن دهت، زێدهتر ئاشكراكر، ئهگهر هاته زانین كو ئیران دێ ل سهر پێشڤهبرنا بهرنامهیێ ئهتۆمى یا بهردهوام بیت، ل وى دهمى جیهانا ئازاد دێ هێزێ ب دژى وێ ب كارئینیت.
