رێكارێن پێكئینانا لیوایا 20 یا پیاده‌ ب دووماهى هاتن

د داخویانییێن رۆژنامه‌ڤانیدا فه‌ریق روكن عیسا عوزێر سه‌رۆكێ ئه‌ركانێن وه‌زاره‌تا پێشمه‌رگه‌ى ئاشكراكر، رێكارێن پێكئینانا لیوایا 20 یا پیاده‌ ب تمامى ب دووماهى هاتینه‌.

زێده‌تر سه‌رۆك ئه‌ركانێن وه‌زاره‌تا پێشمه‌رگه‌یى دیاركر، د دیدارا وان یا به‌رى نوكه‌ دا دگه‌ل سه‌رۆك وه‌زیرێن عیراقێ مسته‌فا كازمى، جێگرێ فه‌رمانده‌یێ ئۆپه‌راسیۆنێن هه‌ڤپشك هاتبوو راسپاردن كو هه‌ماهه‌نگییه‌كا تمامن بۆ زوو ب دووماهى ئینانا رێكارێن دارایى و كارگێری یێن لیوایا 20 بكه‌ت، و ئامارا پێشمه‌رگه‌یێن رێكخراوا كاروبارێن كارگێرى به‌ره‌ڤ دووماهییێ چوویه،‌ و ب تنێ كاروبارێن دارایى ماینه‌ كو بریاره‌ ل ڤان نێزیكان ره‌وانه‌ى وه‌زاره‌تا دارایى بهێنه‌كرن.

د درێژاهییا داخویانییێن خوه‌ دا سه‌رۆكێ ئه‌ركانان دیاركر، پێكئینانا لیوایا 20 یا پیاده‌، ده‌ستپێكه‌كه‌ بۆ درووستكرنا باوه‌رییا هه‌ڤپشك ل مه‌یدانان دناڤبه‌را هه‌ردوو لایه‌نان دا و ئه‌ڤ پێنگاڤه‌ دێ رێ خوشكه‌ر بیت كو ل پاشه‌رۆژێ زێده‌تر  كارێن هه‌ڤپشك ب ڤى جورى دناڤبه‌را هه‌ردوو لایاندا  بهێنه‌كرن و كار ل سه‌ر پێكئینانا چه‌ند لیوایێن دى بهێته‌كرن.