مەسرور بارزانی سەرۆکێ حکومەتا ھەرێما کوردستانێ د هه‌ژمارا خوەدا ل تۆڕا جڤاکییا تویته‌رێ راگه‌هاند، “پێشوازییەکا گەرم ژ سەردانا سەرۆکێ ئەمریکا بۆ رۆژھەڵاتا ناڤین دکەم”.
سه‌رۆكێ حكومه‌تا هه‌رێمێ د تویتێدا هه‌روه‌سا نڤیسییە: “هیڤیدارم سه‌رۆكێ ئه‌مریكا د دانوستاندنێن خوەدا قوربانییێن خەڵکێ کوردستانێ ل دژی تیرۆرێ ژ بیر نەکەت”.
مه‌سرور بارزانی دبێژیت ژی: “هیڤیدارم مافێن دەستوورییێن گەلێ کوردستانێ ل عێراقا فیدراڵ بهێنە پاراستن”.
مه‌سرور بارزانی گوتییە ژی: ” هیڤیدارم مافێن دەستوورییێن ھەرێما کوردستانێ، د ناڤدا ژی مفا وەرگرتن ژ ژێدەرێن وزە کو ئەمریکا وەبەرھێنانەکا زۆر د ئەوی سێکتەریدا کرییە، بهێنە پاراستن”.
هه‌روه‌سا سه‌رۆكێ حكومه‌تا هه‌رێما كوردستانێ دوپاتکریە: “هیڤیدارم مافێن مە یێن دەستوری نەبنە قوربانی ململانێیێن لایەنێن سیاسییێن عێراقێ”.
دیارکریە ژی: ” ل بیرا منە چەند سالەک بەری نوکە پێکڤە ل گەڵ سەرۆک بایدن مە دانوستاندن کرییە، و سەرۆک بایدن رۆڵ ھەبوویە د دەستکەڤتێن گەلێ کوردستانێ پشت ساڵا 2003.
