لدووڤ راگەهاندنەكا كۆمپانییا (گیپسۆن دان) یا ئەمریكی” یا تایبەت ب قانوونێن نێڤدەولەتی دەربارەیی ئاریشێن دناڤبەرا وەزارەتا پەترۆلا عیراقێ و ئەو كۆمپانیێن پەترۆلێ یێن ل هەرێما كوردستانێ كار دكەن، ب بەرچاڤ وەرگرتنا مادێن دەستووری یێن عیراقێ و قانوونا پەترولێ و غازا هەرێما كوردستانێ، دۆسه‌یا وان كۆمپانیێن ل هەرێما كوردستانێ كار دكەن، دۆسه‌یەكا ب هێزە ب وی ڕادەیی” دشێت دۆسەیان ل سەر حكومەتا فیدرالییا عیراقێ بلند بكەت”.
وێ كۆمپانیێ دیار كرییه ژی، ژ ئەگەرێ وان دۆسەیان، عیراق دێ تووشی ئاریشێن قانونی یێن مەزن بیت و دێ نه‌چار بیت ب دەهان ملیار دۆلاران وەك قەرەبوو بدەت.
هه‌روه‌سا ئاشكرا كرییه، هەرێما كوردستانێ پشكەكە ژ عیراقێ و عیراق ژی یا پابەندە ب قانوونێن نیڤدەولەتی، وەزارەتا پەترۆلا عیراقێ گەفان ل ژینگەها كاركرنا كۆمپانیێن پەترۆلێ ل هەرێما كوردستانێ دكەت. پێنگاڤێن وەزارەتا پەترۆلا عیراقێ ل گەل قانوونا نێڤدەولەتی و بریارێن رێكخراوا كونگرێ ئیسلامی كو عیراق ژی تێدا ئەندامە یا هەڤدژە، دڤێت حكومەتا عیراقێ دەربارەیی مافێ وەبەرهێنەرێن بیانی یا پابەند بیت.
