گۆپیتكا جه‌ددە بۆ ئاسایش و گه‌شه‌پێدانێ دەستیپێکر

ب ئامادەبوونا جۆ بایدنی، سەرۆکێ ویلایەتێن ئێکگرتی یێن ئەمریکا و ب پشكدارییا عێراق، كوێت، بەحرەین، قەتەر وعومان، مسر، ئوردن و ئیماراتێ” گۆپیتكا جه‌دده‌ دەستیپێكر.

محەمەد بن سەلمان شه‌هزادێ جهنشینا سعوودیە ب گۆتاره‌كێ ئه‌و گۆپیتكه‌ ڤه‌كر و تێدا هیڤییا خۆ دەربری بۆ پێكئینانا پەیوەندیێن باش ل ناڤبه‌ینا وه‌لاتێ وی و ئەمریكا دا و هه‌روه‌سا داخواز ژ ئیرانێ كر دەستێوەردانێ د كاروبارێن وه‌لاتێن ڤێ ده‌ڤه‌رێ دا نه‌كه‌ت.
جۆ بایدنێ سەرۆكێ ئەمریكا د وێ گۆپیتكێ دا دیار كر: واشنتۆن ژ ڤێ ده‌ڤه‌رێ دوور ناكەڤیت و ڤێ ده‌ڤه‌رێ بۆ رووسیا و چینێ ناهێلیت و هه‌روه‌سا بایدنی ئیران ب نه‌ سەقامگیركرنا رۆژهەلاتا ناڤین تۆمەتبار كر و دیار كر: ئه‌مریكا چو جاران ناهێلیت ته‌هران ببیته‌ خودانا چه‌كێ ئەتۆمی.