<h3 style="text-align: justify;"><span style="font-size: 18pt;">باخچه‌كێ خۆرمێ ل باژێرێ كوت ئه‌وێ 160 كیلۆمه‌تران ژ به‌غدا دوور، هژماره‌كا به‌رچاڤ یا دارێن خۆرمێ تێدا هشكبووینه و شكه‌ستینه، و ل دۆڤ ئامارێن به‌رپرسێن چاندنا عیراقێ، دماوێ 22 سالان دا 19 ملیۆن دارێن خۆرمێ ژ ناڤچووینه.</span></h3> <h3 style="text-align: justify;"><span style="font-size: 18pt;">رێڤه‌به‌رێ گشتى یێ پارێزگه‌ها واست ئه‌ركان شه‌مه‌رى دیاركر، هشكه‌سالییێ عیراق هه‌موو گرتییه، و كارتێكرنه‌كا ئێكسه‌ر ل سه‌ر خۆرما ل ده‌ڤه‌رێن سنوورى ب تایبه‌ت به‌دره، جه‌سان و به‌شه‌كێ پارێزگه‌ها دیاله كرییه، و وه‌لاتێن جیران ئه‌گه‌رێن نه‌بوونا ئاڤێ نه.</span></h3> <h3 style="text-align: justify;"><span style="font-size: 18pt;">به‌رى سالا 1990ێ 30 ملیۆن دارێن خۆرمێ ل عیراقێ هه‌بوون، لێ هشكه‌سالی و بیابانبوون و شه‌ر بوونه ئه‌گه‌ر ئه‌ڤ ژماره ل سالا 2012ێ بۆ 11 ملیۆنان كێم ببیت، و سویربوونا ئاڤا شه‌ت ئه‌لعه‌ره‌ب زیانه‌كا مه‌زن گه‌هاندنییه دارێن خۆرمێ، كو كێشه‌یا سویربوونا ئاڤا شه‌ت ئه‌لعه‌ره‌ب ل ناڤینا سالێن 90 ده‌ستپێكرییه. </span></h3> <h3 style="text-align: justify;"><span style="font-size: 18pt;">ل دۆڤ ئامارێن بانكا جیهانى، پشتى په‌ترۆلێ، خۆرما مه‌زنترین هنارتییا عیراقێ یه، و ل سالا 2021ێ 600 هزار ته‌نێن خۆرمێ هه‌بوون و داهاتێ وى به‌رهه‌مى 120 ملیۆن دۆلاربوون.</span></h3>
