د دیدارەکێ دا” ئۆليڤيێ ديكۆتينێ کونسولێ گشتی یێ فرەنسا ل هەرێما کوردستانێ ئامادە ببوو، داوی گوهۆرین و پێشكهفتێن عیراقێ و پێشخستنا پەیوەندیێن فرەنسا و هەرێما کوردستانێ هاتنه گوتۆبێژ کرن.
کێشێن هەرێما کوردستانێ و حکومەتا فیدرالی و چارەسەرکرنا وان ل سەر بنەمایێ دەستووری، تەوەرهكێ سەرەکی یێ وێ کۆمبوونێ بوو. سەرۆکێ حکومەتێ، سهرهرایی دووپاتکرنا هەلویستێ هەرێما کوردستانێ د چارەسەرکرنا بنەرەتی یا کێشان ب رێیا گوتۆبێژان و لدووڤ دەستووری، گۆت ژی: مانا کێشان بێی چارەسەری و ئالۆزکرنا ڤێ رهوشێ، د بەرژەوەندییا ئارامی و سەقامگیرییا وهلاتی یێن عیراقێ دا نینه.
سەرۆکێ حکومەتێ دهربارەیی پرۆسا سیاسی و بزاڤێن پێکئینانا حکومەتا نوو ، ئاماژەی ب گرنگیییا ڕێزگرتنێ ل پرهنسیپێن ههڤپشكی و پشكدارییا ڕاستەقینە و ههڤسەنگییێ و سازانێ کرییە.
