سۆبه‌هى ژڤانێ ده‌ستپێكرنا وه‌رزێ نوو یێ خواندنێ دێ هێته‌ ده‌ستنیشانكرن

سۆبه‌هى جڤاتا وه‌زاره‌تا په‌روه‌ردێ یا حكومه‌تا هه‌رێما كوردستانێ دێ كۆمبیت و ژڤانێ ده‌ستپێكرنا وه‌رزێ نوو یێ خواندنێ ده‌ستنیشانكه‌ت.

سێ رۆژ بۆ ده‌ستپێكرنا وه‌رزێ نوو یێ خواندنێ هاتینه‌ پێشنیازكرن ئه‌وژى چارى هه‌یڤا ئه‌یلۆلێ و نه‌هى هه‌مان هه‌یڤ و ئێكى چریا ئێكێ، ژڤانێ ژ هه‌موویان نێزیكتر كو بهێته‌ په‌سه‌ندكرن چارى ئه‌یلۆلێ یه‌، لێ ژبه‌ر سه‌قایێ گه‌رم یێ هنده‌ك ده‌ڤه‌ران و نه‌بوونا ئامیرێن هینكرنێ ل هژماره‌كا خواندنگه‌هان، دبیت ده‌وام ل 15 ئه‌یلولێ ده‌ستپێكه‌ت، و ‌دكۆمبوونا جڤاتا په‌روه‌ردێ دا دێ دانوستاندن ل سه‌ر ڤان هه‌ر سێ ژڤانان هێته‌كرن و بریار دێ دبه‌روژه‌وه‌ندییا گشتى یا قۆتابى و ماموستایان دا هێته‌دان.