ل شهڤا بورى تیرۆریستێن داعشێ ل سنۆرێ بهغدا، دیاله، سهلاحهدین و كهركوكێ هێرشكرییه سهر چهكدار و پۆلیسێن عیراقێ و د ئهنجامدا حهفت كهس شههید بوون و 20 ژى برینداربوون، نێچیرڤان بارزانى سهرۆكێ ههرێما كوردستانێ د پهیامهكێ دا دبێژیت، زهنگهكا ب مهترسی و جددییه.
زنجیرا هێرشێن شهڤا بورى یا تیرۆریستێن داعش ل سنۆرێ بهغدا، دیاله، سهلاحهدین و كهركوكێ بۆ سهر هێزێن چهكدار و پۆلیسێن فیدرالی یێن عیراقێ كو حهفت شههید و پترى 20 برینداران ههبووینه، زهنگهكا ب مهترسى و جددییه.
لڤین و بهێزبوونا داعشێ و بهرفرههـبوونا هێرشێن وان، گهفێن ب دروستینه بۆ سهر ئاسایش و سهقامگیرییا ههموو عیراقێ و پێدڤییه ههلویستهكى جددى ل سهر بهێته كرن و بهرسڤ بهێته ئێكلایی كرن.
بۆ بهرسنكگرتنا وان هێرشێن داعش، پێدڤییه هاریكارى و ههڤبهندییهكا زۆرتر دناڤبهرا هێزێن چهكدار و پێشمهرگهیى و دهزگههێن ئێمناهییا عیراقێ و ههرێما كوردستانێ بهێته كرن.
رهوشا ئێمناهى و سیاسیا عیراقێ، هاریكارى و ههڤپشكییهكا پێكڤه ل ههموو هێز و لایهنێن عیراقێ دخوازیت دا ههموو پێكڤه وان نهخۆشییان دهرباز بكهن و ئێدى ڕهوش و ئالوزییا سیاسى نهبیته ئهگهرێ تێكچوونا ئاسایش و سهقامگیری و بهێزبوونا پتر یا داعشێ.
سهرهخوهشییێ ل خێزان و كهسوكارێن شههیدان دكهم، ههڤپشكێ خهما وانم، هیڤییا باشبوونێ بۆ برینداران دخوازم.
