ئهڤرۆ پێنجشهمبى 28ى تهموزا 2022ێ سهرۆكێ ههرێما كوردستانێ نێچیرڤان بارزانى، پێشوازى ل كونسۆلێ گشتى یێ رووسیا ئۆلێگ لڤین و كونسۆلێ گشتى یێ كوێتێ ل ههرێما كوردستانێ عومهر ئهلكندهرى كر، كو ههردوو كونسولان ب ههلكهفتا ب دووماهى هاتنا ئهركێن خوه و خاتر خواستنێ سهرهدانا سهرۆكێ ههرێمێ كربوو.
د دیدارێن خوهدا سهرۆك نێچیرڤان بارزانى سوپاسییا ههردوو كونسۆلان بۆ پشتهڤانی و رۆلێ ئهوان دپێشڤهبرنا پهیوهندییێن وهلاتێن رووسیا و كوێتێ دگهل ههرێما كوردستانێ دا كر، و داخوازا سهركهڤتنێ دكارێن وان یێن بهێن دا بۆ كر، و دووپاتكر ههرێما كوردستانێ و عیراق دخوازن پهیوهندییێن خوه دگهل رووسیا و كوێتێ پێشڤهببهن، و دووپاتى ل پهیوهندییێن دێرین یێن دناڤبهرا ههرێما كوردستانێ و رووسیا و كوێتێ دا كر، و هاریكاریكرنا وهلاتێن ئهوان دههموو بیاڤاندا بۆ ههرێما كوردستانێ بلند نرخاند.
ژلایێ خۆڤه ههردوو كونسۆلێن گشتى یێن رووسیا و كوێتێ، سوپاسییا هاریكارى و پشتهڤانییا سهرۆكێ ههرێما كوردستانێ و لایهنێن پهیوهندیدار یێن حكومهتا ههرێمێ د كار و چالاكییێن وهلاتێن خوهدا كر، و چهندهك ژ كار و چالاكییێن خوه ل ماوێ كاركرنێ ل ههرێما كوردستانێ دیاركرن.
