وه‌زاره‌تا په‌ترۆلا عیراقێ رێژه‌یا هنارتنا په‌ترۆلێ و داهاتێ وێ ل مه‌ها تیرمه‌ها بوورى ئاشكراكر و راگه‌هاند، ب تنێ ل مه‌ها بوورى 10 ملیار دۆلار داهاتێ په‌ترۆلێ بوون.
دبه‌یاننامه‌یا وه‌زاره‌تێ دا هاتییه، ل مه‌ها بوورى ب رێكا سۆمۆیێ 102 ملیۆن و 385 هزار و 49 به‌رمیلێن په‌ترۆلێ هاتینه هنارتن، و به‌رامبه‌ر فرۆتنا وێ رێژه‌یا په‌ترۆلێ 10 ملیار و 608 ملیۆن دۆلارێن ئه‌مریكى گه‌هشتینه گه‌نجینه‌یا وه‌لاتى.
هه‌روه‌سا وه‌زاره‌تێ دیاركر، ل كێلگه‌هێن كه‌ركووكێ دوو ملیۆن و 344 هزار و 536 به‌رمیلێن په‌ترۆلێ ب رێكا به‌نده‌رێ جیهانێ ره‌وانه بازارێن جیهانێ هاتینه‌كرن و ل باشوورى ژى 99 ملیۆن و 965 هزار و 94 به‌رمیل هاتینه هنارتن.
و ل دووماهییێ ئاماژه ب هندێ دا، ل مه‌ها بوورى عیراقێ رۆژانه سێ ملیۆن و 303 هزار به‌رمیلێن په‌ترۆلێ هنارتینه و بهایێ هه‌ر به‌رمیله‌مێ 103 دۆلار و 60 سه‌نت بوون.
