چاڤدێرەکا سییاسی: عیراق یا بەرەف شەرەکێ ناڤخۆیی دچیت

ئاژانسا خانی ” تایبەت:

خۆنیشاندانێن عیراقێ بەردەوامی ھەیە و چاڤدێرەکا سیاسی ژی ئاشکرا کر، مەترسی ھەنە عیراق بەرەف شەڕەکێ ناڤخۆیی بچیت، کورد پشکەک نینن ژ ئالۆزی یێن عیراقێ و ناڤمالا شیعی.

ئاشنا بابان، چاڤدێره‌كا سیاسییه‌ بۆ ئاژانسا خانی گۆت” رەوشا عیراقێ یا بەرەف ئالۆزی یێن زێدەتر دچیت و مەترسییا شەرێ ناڤخۆیی ھەیە، ژبەرکو لایەنێن دی ژی گەڤێن خۆنیشاندانان ل دژی خۆنیشاندانێن لایەنگرێن سەدری دکەن، ئەگەر بھێت و لایەنێن دی ژی جەماوەرێ خۆ ھانبدەن بۆ خۆنیشاندانان” ئەڤە دێ شەڕەکێ ناڤخۆیی عێراقێ ڤەگریت، ھەموو ئاماژە بۆ شەڕێ ناڤخۆیی نە.

ناڤهاتییێ گۆت ژی” کورد پشکەک نینن ژ وان ئالۆزی یێن نوکە عیراق ڤەگرتی، بەلێ ژبەرکو ھەرێما کوردستانێ دەولەتەکا سەربه‌خۆ نینە دێ کاریگەری ھەبن ل سەر ھەرێما کوردستانێ، باشترین چارەسەری بۆ تەناکرنا رەوشا عیراقێ دەستپێکرنا دانوستاندنانە دناڤبەرا لایەنێن سیاسی، ب تایەتی ھەردو لایەنێن سەرەکی سەدر و چارچۆڤێ هه‌ماهه‌نگییێ.