دەستەیا دەستپاکییێ: ڤه‌كۆلین ل گەل 72 بەرپرسێن بلند هاتینه‌ كرن

سەرۆکێ دەستەیا دەستپاکییێ ل هەرێما کوردستانێ دیار كر : د ده‌مێ پێنج سالێن بوری دا، 72 بەرپرسێ” پله‌ بلند، ل سەر دۆسه‌یێن گەندەلییێ ڤه‌كۆلین ل گه‌ل دا هاتینه‌ كرن، د شەش مه‌هێ” بوری دا 799 دۆسه‌یێن دی ل دەستەیا وان هاتین تۆمارکرن و ڤه‌کۆلینن تێدا دهێته‌ كرن.

ئەحمەد ئەنوەری، ئەڤرۆ سێشەمبی ( 2 ته‌باخا 2022) ێ” د کۆنفرانسه‌كێ رۆژنامەڤانی دا گوت “ل سالێن 2017 بۆ 2022 ێ” دا ژ لایێ دادوەرێن ڤه‌كۆلینا دەستپاکییێ، وەک تۆمەتبار ڤه‌كۆلین ل دۆسه‌یێن 72 بەرپرسێن پلە بلند و پلە تایبەت هاتینه‌ کرن، کو پێکهاتوون ژ شەش وەزیر، ئێك سەرۆکێ دەستەیێ، شەش بریکارێن وەزیران، یەک پەرلەمانتاره‌ك، پێنج شیره‌تکار، 34 رێڤەبەرێن گشتی، پارێزگاره‌ك، پێنج قایمقام، چار سەرۆکێن فەرمانگەهـ و هەشت ئەندامێن جڤاتان”.

دەستەیا دەسپاكییێ ل هەرێما كوردستانێ، دەستەكا سەربەخۆیە، ئەركێ وێ بەرەنگاربوونا گەندەلییێ یە و ل ژێر چاڤدێرییا پەرلەمانێ کوردستانێ دا و لدووڤ یاسایێ ژمارە سێ یێ سالا 2011 ێ کارێن وێ ده‌سته‌یێ هاتینه‌ رێكخستن.