<h3 style="text-align: justify;"><span style="font-size: 18pt;">شاكر مه‌حموود رێڤه‌به‌رێ كاره‌با دهوكێ بۆ ئاژانسا خانى دیاركر، بریاره وێستگه‌هه‌كا نوو بۆ به‌رهه‌مئینانا كاره‌بێ ل سنوورێ سه‌رسینگێ بهێته درووستكرن و دقۆناغا ئێكێ دا دێ 100 میگاواتێن كاره‌با هه‌رێمێ به‌رهه‌مئینیت، و ل قوناغا دووێ ژى رێژا به‌رهه‌مئینانا وێستگه‌هێ دێ گه‌هیته 300 میگاواتێن كاره‌بێ ئه‌ڤه‌ژى دێ كاریگه‌رییێ لسه‌ر زێده‌بونا به‌رهه‌مئینانا كاره‌بێ كه‌ت.</span></h3> <h3 style="text-align: justify;"><span style="font-size: 18pt;">رێڤه‌به‌رێ كاره‌با دهوكی گوت ژى: بریاره دپاشه‌رۆژه‌كا نێزیك دا ده‌ست ب بجهئینانا پروژه‌ى بهێته كرن ودێ مفا ژ وێ غازێ هێته وه‌رگرتن یا كو ژ بیرێن نه‌فتا ده‌ڤه‌رێ ده‌ردكه‌ڤیت وكاره‌ب ژێ هێته به‌رهه‌مئینان.</span></h3> <h3 style="text-align: justify;"><span style="font-size: 18pt;">هه‌روه‌سا شاكر مه‌حموودى دیاركر، كاره‌با پارێزگه‌ها دهوكێ ژ كونترۆلكرنا گشتى یا هه‌ریما كوردستانێ ب ریكا تورا نیشتیمانى دگه‌هیت، و ژبه‌ر وێ چه‌ندێ هه‌ر بره كاره‌بایه‌كا ل پارێزگه‌ها دهوكێ یان پاریزگه‌هه‌كا دى به‌رهه‌مبهێت ئه‌ڤه دێ چیته ناف تورا گشتى یا كاره‌با هه‌رێما كوردستانێ، به‌لێ به‌رهه‌مئینانا كاره‌بێ ل دهوكێ دێ كاریگه‌ریسا خوه ل سه‌ر زێده‌بوونا به‌رهه‌مێ كاره‌با هه‌رێمی هه‌بیت.</span></h3>
