ژ ئەنجامێ شەری دئێک حەفتی دا سێ جاران کارەبا ناوچەدارییا کانی ماسێ ژ کار كه‌ڤت

ئەندازیار ئارام جەلال رێڤەبەرێ بەلاڤکرنا کارەبا دەڤەردارییا ئامێديیێ  دیار کر، ل سەرێ ڤێ هەیڤێ تا نوکە سێ جاران کارەبا گوندەوارێن ناوچەدارییا کانی ماسێ  کەفتینە بەر توپبارانا لەشکەرێ تورکیا و ژ کار کەفتینە و گۆت :  ژ ئەگەرێ توپبارانکرنێ و شەر و پێکدانانێ ل رۆژا دووێ ڤێ هەیڤێ هێلێن کارەبا گوندێ ئورە و دشێشێ و هرورێ هاتنە برین.

ئاشكرا ژى كر :  هەر دهەمان رۆژدا ئەو شیان کارەبا گوندێ هرورێ سەخبێر بکەن و ڤەگەرینن لێ ژبەر شەرو ئالوزییان و نە ئارامییا دەڤەرێ کارەبا دوو گوندێن دیتر مابوون تا رۆژا ٤ هەیڤێ پشتی تیمێن سەخبێریا کارەبا کانی ماسێ گەهشتنە جهێ روودانێ و ژلایێ تیما ناڤهاتی ڤە هاتە چارەکرن، ‌هەروەسا دیارکر، ژ ئەنجامێ شەری ل  وێ دەڤەرێ ل رۆژا  5ى ته‌باخا 2022ێ هێلێن کارەبا گوندێ (ئورە سەرەرو و دشێشێ ئەدنێ ).

و ل رۆژا دووڤد ژلایێ تیما سەخبێرییا کارەبا کانی ماسێ کارەبا گوندێن ناڤهاتی هاتە چارەسەرکرن.

گۆت :  ژ ئەنجامێ شەر و ئالوزیان پتر ژ پێنجی جاران کارەبا گوندێن ناوچەدارییا کانی ماسێ ژ کار کەفتیە و هاولاتی بێ کارەب ماینە و بۆ ماوێ کێمتر ژ ئێک حەفتی سێ جاران هێلێن ڤێ ناوچەیێ تێنە قوتکرن و کارەبا وێ دەڤەرێ دهێتە برین، ناڤهاتی دەستخوەشی ل تیما سەخبێرییا کارەبا کانی ماسێ کر کو شیا وان هەموو جاران چارەسەربکەن.