به‌رهه‌مێ ئه‌ڤ ساله‌ یێ پتاتان ل سنوورێ دهۆكێ پتر ژ 120 هزار ته‌نایه‌

رێڤه‌به‌رێ چاندنا دهۆكێ دیاركر، ئه‌ڤ ساله‌ ل سنوورێ پارێزگه‌ها دهۆكێ 27 هزار دونه‌مێن زه‌ڤیان پتات لێ هاتینه‌ چاندن، و به‌رهه‌مێ وێ ژ 120 هزار ته‌نان زێده‌تره‌ و بهایێ وى به‌رهه‌مى یێ گونجایه‌ و بۆ عیراقێ ژى دهێته‌ هنارتن.

رێڤه‌به‌رێ چاندنا دهۆكێ ئه‌حمه‌د جه‌میلى بۆ ئاژانسا خانى ئاشكراكر، ئه‌ڤ ساله‌ ل پارێزگه‌ها دهۆكێ 27 هزار دونه‌مێن زه‌ڤییان پتات لێ هاتینه‌ چاندن و به‌رهه‌مێ وێ ژ 120 هزار ته‌نان زێده‌تره‌ و بهایێ ئێك كیلۆ ژ 450 هه‌تا 550 دیناران ده‌ستپێ دكه‌ت.

زێده‌تر ئه‌حمه‌د جه‌میلى گوت : ئه‌ڤه‌ ساله‌ به‌رهه‌مێ پتاتان گه‌له‌ك یێ باش بوو و بۆ ناڤه‌راستا عیراقێ هه‌روه‌سا كارگه‌ها چێكرنا جپسان ل به‌رده‌ره‌شێ هاتییه‌ هنارتن، و ب هزاران ده‌رفه‌تێن كارى بۆ خه‌لكى په‌یداكرینه‌.