ئاژانسا خانی، ویداد امین
نقیب ئامانج شێخانی، ئەفسەر ل بنگەهێ بەرگرییا شارستانی ل قەزا خەبات بۆ ئاژانسا خانی ڕاگەهاند، ئەڤرۆ بتنێ د شەش دەمژمێراندا دوو کەس ل زیێ مەزن ل قەزا خەبات خەندقین کو هەردووك پەنابەرێن ڕۆژئاڤابوون.
نەقیب ئامانج گۆت: گەنجەك ژوان ژیێ وی 26سال ب ناڤێ سامر محیدین کوردێ رۆژئاڤایێ یە و ئاکنجیێ باژێرێ هەولێرێ یە، هەروەسا گەنجێ دی ژیێ وی 16سالە ب ناڤێ شیشم محیدین، کوردێ ڕۆژئاڤایێ پەنابەرە ل کەمپا گەویلان، هەر ل دەملدەست تیمێن مە راستەوخۆ گەهشتنە جهێ روودانێ و لێگەریان دەسپێکر.
هەروەسا نەقیبی دیارکر: تەرمێ گەنجێ 26سالی هاتییە دیتن بەلێ هەتا نوکە تەرمێ گەنجێ پەنابەرێ گەویلان نەهاتییە دیتن هەتا نوکە لێگەریانا تەرمی بەردەوامە.
