رێژەکا مه‌زن یا ڤەخارنێن قەدغەکری ل ئامێدییێ هاتنە ژناڤبرن

کاروان حاجی سەعید بەرپرسێ لژنا ئابووری ل دەڤەردارییا ئامێدییێ و بەرپرسێ بنگەهێ چاڤدێرییا بازرگانی ل ئامێدییێ بۆ ئاژانسا خانی دیارکر، پشتی ل سنۆرێ ناوچەدارییا کانی ماسێ دەست ب سەر رێژەکا مه‌زن یا ڤەخارنێن کحۆلی دا گرتی ئەڤرۆ هاتنە ژناڤبرن.

كاروان حاجى ئاشكراكر، ئەڤ ڤەخوارنە ژ جورێ ڤوتکا بوون و نێزیکی 1600 قودیکا بوون و رێژا وێ 40% بوویە، و ژلایێ لژنا ئابوورى یا  ناوچەدارییا کانی ماسێ ڤە هاتبوونە گرتن، ژ بەر کو دوور ژ رێنمایان و ب رێکێن نە قانوونى هاتینە ناڤ هەرێمێ و دهاتنە فروتن، هاتنە رەوانەکرن بۆ لژنا دەڤەدارییێ و ژلایێ مە هاتنە ژناڤبرن.

ناڤهاتی گوت ژى، زێدەباری وێ چه‌ندێ خودانێن فرۆتنا ئه‌ڤان ڤه‌خوارنان ب کوژمەکێ پارەی ژی هاتینە جزادان و سوزنامە ل سەر هاتینە چێکرن کو ئەڤ کارێن نه‌قانوونى دوبارە نه‌ كه‌نه‌ڤه‌.