وه‌زاره‌تا باژێرڤانى و گه‌شتوگوزارێ یا حكومه‌تا هه‌رێما كوردستانێ ره‌زامه‌ندى ل سه‌ر خه‌رجكرنا 135 ملیۆن و 207 هزار دیناران بۆ درووستكرنا باخچه‌یه‌كى و بجهئینانا دوو پرۆژه‌یێن دى یێن خزمه‌تگوزارى كو درووستكرن و نووژه‌نكرنا جاده‌یانه ل سنۆرێ سه‌رۆكایه‌تییا باژێرڤانییا دهۆكێ دا.
كوژمێ دیاركرى ب رێژه‌یا 100% ژ داهاتێ فرۆتنا زه‌ڤییه‌كا رۆكن یا باژێرڤانییێ ل سه‌ر پلانا سالا 2022ێ هاتییه ته‌رخانكرن، كو باخچه‌یه‌ك ل كه‌رتێ 60 یێ شاخكێ و چه‌ند جاده‌یه‌ك ل نێزیك پیشانگه‌هێن ترۆمبێلان دێ هێنه درووستكرن، و جاده‌یه‌كا سنۆرێ سه‌رۆكایه‌تییا باژێرڤانییێ دێ هێته نووژه‌نكرن.
ژبلى وان پرۆژان، نوكه ل سنۆرێ باژێرڤانییێ چه‌ند پرۆژه‌یێن دى یێن خزمه‌تگوزارى د قۆناغا بجهئینانێ دانه، و وه‌زاره‌تا باژێرڤانى و گه‌شتوگوزارێ ژى ره‌زامه‌ندى ل سه‌ر خه‌رجكرنا كوژمێ بۆ وان پرۆژه‌یان دایه.
