<h3 style="text-align: justify;"><span style="font-size: 18pt;">سهرۆكێ رووسیا ڤلادیمێر پوتینى راگههاند، ههر ژنهكا رووسى بشێت 10 زارۆكان یان زێدهتر بینیت دێ ئێك ملیۆن رۆبهلێن رووسى كو دبیته نێزیكى 16 هزار دۆلارێن ئهمریكى وهك خهلات وهرگریت.</span></h3> <h3 style="text-align: justify;"><span style="font-size: 18pt;">سهرۆكێ رووسیا ڤلادیمێر پوتینى د رێورهسمهكێ تایبهتدا خهلاتێ ( دهیكا قارهمان ) یێ سهردهمێ ئێكهتییا سوڤیهتى ساخكر، و میدیایا رووسیا ئهگهرێ ساخكرنا ئهڤى خهلاتى ژلایێ پوتینیڤه ئاشكراكر و راگههاند، ژبهر شهرێ دناڤبهرا ئوكرانیا و رووسیا دا و ژ دهستدانا ژمارهیهكا مهزن یا سهربازان و هوشدارییێن خزمهتگوزارى یێن ئامارێن رووسیا، پوتینى بریار دا ئهڤى خهلاتى ساخ بكهت.</span></h3> <h3 style="text-align: justify;"><span style="font-size: 18pt;">خزمهتگوزارییا ئامارێن رووسیا هوشدارى داینه بهرپرسێن حكومهتا وهلاتێ خوه و راگههاندییه، مهترسى ل سهر ژمارا ئاكنجییێن رووسیا ههیه، و پێشبینى دكهت ل پاشهرۆژێ ژمارا ئاكنجییێن رووسیا ژ 142 ملیۆن كهسان بۆ 132 ملیۆنان كێم ببیت.</span></h3> <h3 style="text-align: justify;"><span style="font-size: 18pt;">پشتى ئهڤێ هوشدارییێ پوتینى بۆ مهزنكرنا قهبارهیێ ههر خێزانهكا رووسى خهلاتێ سهردهمێ ئێكهتییا سوڤیهتى ساخكر، و ههر ژنهكا بڤێت ئهڤى خهلاتى بدهستڤهببهت پێدڤییه 10 زارۆكان یان زێدهتر بینیت و ههموو ژى د ساخ و سلامهت بن.</span></h3> <h3 style="text-align: justify;"><span style="font-size: 18pt;">ل سهر دهمێ ئێكهتییا سوڤیهتى خهلاتێ ( دهیكا قارهمان ) ب ئهوێ ژنێ دهاته دان ئهوا دشیایى 10 زارۆكان یان زێدهتر ب خودان بكهت، و زێدهترى 400 هزار ژنێن رووسى شیان ئهوى خهلاتى بدهستڤهببهن، لێ پشتى ژ ناڤچوونا ئێكهتییا سوڤیهتى ل سالا 1991ێ، ئهو خهلاته نهما و دووهى چارشهمبى 18ى تهباخا 2022ێ سهرۆكێ رووسیا ئهو خهلاته ڤهگهراند.</span></h3>
