هاشم موسه‌وی: ئەڤ ساله‌ ئاهێن خوارنێ زێده‌تر دێ هێنه‌ دابه‌ش كرن

هاشم موسەوی، رێڤەبەرێ گشتی یێ کۆمپانییا گشتی یێ ئاهێن خوارنێ ل وەزارەتا بازرگانییا عێراقێ، دیار كرییه‌: مه‌ دەست ب دابه‌شكرنا بەشە خۆراکێ هه‌یڤانه‌ كرییه‌، كو ژ شەکر و برنجی و باقلەمەنییان پێکدهێت، هه‌یڤانه‌ دهێنه‌ دابەش كرن و ئەو پڕۆسە دێ یا بەردەوام بیت و ئەڤ ساله‌ ئاهێن خوارنێ زێده‌تر دێ هێنه‌ دابه‌ش كرن.

ناڤهاتی گۆت ژی: نوكه‌ خێزانێن عیراقی پشت ب بەشە خۆراکێن هه‌یڤانە د بەستن و ئاهێن خوارنێ دێ باشتر لێ هێن و بێی گیروبوون دێ هێنه‌ دابەش كرن.

هاشم موسەوی گۆت ژی: “هنده‌ك بازرگان هەنه‌، حه‌ز دكر باوه‌رییا خه‌لكێ ب ئاهێن خوارنێ یێن هه‌یڤانه‌ كێم بكه‌ن، داكو بهایێ وان بلند بكه‌ن‌، بەلێ بزاڤێن وان سه‌رنه‌گرتن، چونکی ئاهێن خوارنێ ب به‌رده‌وامی دهێنه‌ به‌لاڤكرن و رەزامەندییا خه‌لكی ژی ل سه‌ره‌” نوكه‌ ئاهێن خوارنێ ل سەر 40 ملیۆن و 300 هزار کەسان دا ل عیراقێ دهێنه‌ دابەش كرن”.