مه‌سرور بارزانی هه‌ڤخه‌مییا خۆ بۆ روودانا مه‌زارگه‌هێ قه‌تاره‌ ده‌ربری

مه‌سرور بارزانی، سه‌رۆكێ حكومه‌تا هه‌رێما كوردستانێ، د ‌ په‌یامه‌كێدا هه‌ڤخه‌مییا خۆ بۆ قوربانی یێن روودانا مه‌زارگه‌هێ قه‌تاره‌ ل‌ كه‌ربه‌لا ده‌ربری.

د‌ تویته‌كێدا، مه‌سرور بارزانی، سه‌رۆكێ حكومه‌تا هه‌رێما كوردستانێ، راگه‌هاند، ب‌ خه‌مه‌كا كوورڤه‌ نووچه‌یێ‌ هریانا مه‌زارێ قه‌تاره‌ یێ پێشه‌وا عه‌لی رازی بوونا خودێ ل سه‌ر بیت، گه‌هشته‌ مه‌، كو بوویه‌ ئه‌گه‌رێ گیان ژ ‌ده‌ستدان و برینداربوونا هژماره‌كا وه‌لاتییان و هێشتا هنده‌ك ژ وان ل ژێر داروبه‌رێن وی مه‌زارگه‌هی دانه‌.

ئه‌و ژی گۆتییه‌: سه‌ره‌خۆشییێ ل‌ بنه‌مالێن قوربانیان د‌كه‌م و هیڤییا چاكبوونێ بۆ برینداران دخوازم.

هه‌روه‌سا سه‌رۆكێ حكومه‌تا هه‌رێما كوردستانێ، ئاماده‌ییا هه‌رێما كوردستانێ ب‌ هه‌موو سازی یێن ساخله‌مییێ ڤه‌ ده‌ربڕییه‌ بۆ پێشكێشكرنا هه‌موو جۆره‌ هاریكاری و پشته‌ڤانییه‌كێ بۆ خه‌لكێ كه‌ربه‌لایا پیرۆز.