بۆ پێشڤه‌برنا كوالێتییا ڤه‌كۆلینێن زانستى ل هه‌رێما كوردستانێ و كۆمكرنا كوڤارێن زانستى یێن زانكۆیان، جڤاتا بلند یا ڤه‌كۆلینان ل وه‌زاره‌تا خواندنا بلند و ڤه‌كۆلینێن زانستى، هه‌موو كوڤارێن زانستى یێن زانكۆیێن كوردستانێ دێ د پلاتفۆرمه‌كێدا كۆم كه‌ت، كو ئه‌ڤ مالپه‌ره یێ تایبه‌ته ب كۆمكرنا هه‌موو كوڤارێن زانستى یێن هه‌رێما كوردستانێ، و ئارمانج ژ ئه‌ڤێ پێنگاڤێ ئه‌وه كو ئاسانكاری بۆ ماموستا و ڤه‌كۆله‌ران ب مه‌ره‌ما بده‌ستخستنا ژێده‌رێن به‌لاڤكرنا ڤه‌كۆلینێن زانستى بهێته كرن.
د پلاتفۆرما جڤاتا بلند یا ڤه‌كۆلیناندا كوڤار ل دووڤ لیستا زانكۆیان و جورێ بابه‌تێن به‌لاڤكرنێ هاتینه پۆلینكرن، هه‌روه‌سا سه‌رنووچه‌یێ په‌یجان ب هه‌ر سێ زمانێن كوردى، عه‌ره‌بى و ئینگلیزى هاتینه به‌رده‌ستكرن، د بابه‌تێ لێگه‌ریانێ ژیدا دشیاندایه ب نڤیسینا په‌یڤا وێ كوڤارا لێگه‌ریانا وێ دهێته‌كرن ، كوڤار زوو بده‌ست بكه‌ڤیت.
پلاتفۆرما كوڤارێن زانستى یێن كوردستانێ ب رێكا لینكێ ل خوارێ ل به‌رده‌سته، و هه‌موو كوڤارێن زانستى یێن هه‌رێما كوردستانێ تێدا هاتینه كۆمكرن و دنوكه‌دا ل به‌رده‌ستێن ڤه‌كۆله‌ر و ماموستایانه.
