دکتۆر مەحموود ئوسمان: فشارێن ل سەر دەستھەلاتا داداوەری د مەترسیدارن

سیاسەتمەدارەکێ کورد ھۆشدارییێ ل دۆر رەوشا عێراقێ ددەت و ئاشکراکر، فشارێن ل سەر دەستھەلاتا دادوەری ئاماژەیێن مەترسیدارن بۆ رەوشا عێراقێ و پێدڤییە سەدر بۆ ئاسایی کرنا رەوشێ بھێتە رازیکرن.

دکتۆر مەحموود ئوسمان سیاسەتمەدارێ کورد بۆ ئاژانسا خانی دیارکر، رەوشا عێراقێ گەھشتیسە قۆناغەکا مەترسیدار و ژ سالا 2003ێ وەرە ھەتا نوکە بۆ جارا ئێکێ یە رەوشا عێراقێ ب ڤی شێوەی بگەھیتە قۆناغەکا مەترسیدار، ئەگەر بھێت و رەوش نەھێتە کۆنترۆلکرن عێراق دێ بەرەف ئالۆزیێن زێدەتر چیت و رەوش دێ ژ دەست ده‌ركه‌ڤیت، پشتی نەمانا سەدامێ دەولەت نەمایە، ل عێراقێ چەند ھێزەکێن سیاسی گروپ چەکدار ھەنە و دژی ئێک کار دکەن ئەڤەژی بوویە ئەگەرێ تێکچوونا رەوشا عێراقێ.

دکتۆر مەحموود ئوسمان گۆتژی: پێدڤییە لایەنێن سیاسی لەزێ بکەن بۆ دانوستانان و سەدرى رازیبکەن رەوش بھێتە تەناکرن و حوکمەت بھێتە پێک ئینان، ھەلوەشاندنا پەرلەمانی دێ رەوشا عێراقێ گەھینیتە قۆناغەکا نەچاڤەڕێ کری، بێی پەرلەمان چارەسەری بۆ ئالۆزیان ناھێنەکرن، ئەز دگەل ھەلوەشاندناپەرلەمانی نینم، فشارێن ئەڤرۆ ل سەر دەستھەلاتا دادەوەری ئاماژەیێن مەترسیدارن.