جڤاتا وه‌زیران ب ئاماده‌بوونا مه‌سرور بارزانى دێ كۆمبوونا خوه‌ یا حه‌فتیانه‌ ئه‌نجامده‌ت

فه‌رمانگه‌ها میدیا و زانیارى ڕاگه‌هاند، ئه‌ڤرۆ جڤاتا وه‌زیرێن هه‌رێما كوردستانێ ب سه‌رپه‌رشتیا مه‌سرور بارزانى، سه‌رۆكێ جڤاتا وه‌زیران و ب ئاماده‌بوونا قوباد ته‌له‌بانى، جێگرێ سه‌روكێ جڤاتا وه‌زیرێن هه‌رێما كوردستانێ دێ كۆمبوونا خوه‌ یا ئاسایی ئه‌نجامده‌ت.
فه‌رمانگه‌هێ ئاماژه‌ ب هندێ ژى كریه‌، ئه‌و كۆمبوون ژ دوو برگان پێك دهێت، ئێك ژوان به‌چاڤكرنا راپورتا وه‌زیرێ باژێرڤانى و گه‌شت و گوزارێ لدۆر ره‌وشا خزمه‌تگوزارى و دابینكرنا ئاڤا پاقژ بۆ وه‌لاتیێن هه‌رێما كوردستانێ و چاره‌سه‌ریا ئاسته‌نگ و ئاریشه‌ و پێشنیارێن وان.
هه‌روه‌سا برگا دووێ یا كۆمبوونێ دێ تایبه‌ت بیت ب به‌رچاڤكرنا زانیاریان لدۆر پرۆژێن خزمه‌تگوزارى یا گشتى كو ل ته‌مه‌نێ كابینه‌یا نه‌هێ دا هاتینه‌ جێبه‌جێكرن یان ل قوناغا جێبه‌جێكرنێدانه‌ ژ لایێ فه‌رمانگه‌ها میدیا و زانیارى كار لسه‌ر هاتیه‌ كرن.