سه‌رۆكێ حكومه‌تێ پیروزباهییا ده‌ستبكاربوونێ ل كونسۆلێ نوو كر، و داخوازا سه‌ركه‌ڤتنێ بۆ وى كر، هه‌روه‌سا سوپاسى و پشته‌ڤانییا به‌رده‌وام یا ئه‌مریكا كر، و حه‌زا هه‌رێما كوردستانێ بۆ پێشڤه‌برنا په‌یوه‌ندییێن دناڤبه‌را هه‌ردوو لایاندا دووپاتكر.
كونسۆلێ گشتى یێ ئه‌مریكا زێده‌بارى ده‌ربرینا خوشحالییا ده‌ستبكاربوونێ ل هه‌رێما كوردستانێ، به‌رهه‌ڤییا وه‌لاتێ خوه بۆ پێشڤه‌برن و ب هێزكرنا په‌یوه‌ندییان دگه‌ل هه‌رێما كوردستانێ دهه‌موو بیاڤاندا نیشاندا.
چاكسازییێن كابینه‌یا نه‌هێ یا حكومه‌تا هه‌رێما كوردستانێ و هه‌مه‌جۆركرنا ئابوور و گرنگیدان ب وه‌به‌رهێنان و پشته‌ڤانیكرنا كه‌رتێ تایبه‌ت، ته‌وه‌ره‌كێ دى یێ دیدارا مه‌سرور بارزانى و كونسۆلێ ئه‌مریكا بوو.
