ئاژانسا خانی: تایبەت
ژێدەرەکێ سەربازی بۆ ئاژانسا خانى راگههاند، ئێڤاریا دوهی ههژمارەکا تیرۆرستێن داعش بزاڤ دکر بچنە ناڤا قەزا مەخموور، لێ کەفتینە ناڤا بوسەیەکا هێزێن عێراقێ و پلانا وان هاتە ژناڤبرن.
وى ژێدەری گۆت ژى: داعش پلان هەبوو ههژمارەکا چەکدارێن خۆە فرێکەتە ناڤا سەنتەرێ قەزا مەخموور، بەلێ پشتی گەهشتنا زانیاریێن هەوالگەری لدۆر وێ پلانا داعشێ، هێزێن ئەمنی و سەربازی ل دەوروبەرێ قهزایێ هاتنە بەلاڤکرن بۆ رێگریێ ل ئهنجامدانا وێ پلانێ.
دیار ژى كر، ئەو تیرۆرستێن داعش ل گوندێ گەرەبەشە کەفتینە بوسەیەکا هێزێن عێراقی و شەر و پێکدادان درۆست بووینه، د ئەنجامێ وى شەرى دا ههژمارەکا تیرۆرستێن داعشێ هاتینە کۆشتن و بریندارکرن و تەرمێ تیرۆرستێن داعشێ کەڤتییە دەستێ دژە تیرۆرا عیراقێ و یێن دی بەرەڤ چیایێ قهرەچۆغ رەڤینە، ژبەر تاریا شەڤێ ههتا نوكه ههژمارا قوربانیێن داعشێ ب تەمامی نەهاتییە زانین.
Like this:
Like Loading...
