<h2 style="text-align: justify;"><span style="font-size: 18pt;">دەقێ پهياما ژ سهرۆكێ ههرێما كوردستانێ:</span></h2> <h2 style="text-align: justify;"><span style="font-size: 18pt;"> ژ نێزیکڤە و ب دلگرانیەکا کوور بەرێ خودانێ بۆ پێشهاتێن سیاسی و ئەمنی یێن ئەڤرۆ یێن بەغدا و چەند جهێن دی یێن وەلاتی دکەین، داخواز ژ هەموو لایەکی دکەین د بلندترین ئاستدا کۆنترۆلا خۆ بکەن و رێ نە دەن رەوش ژ ڤێ زێدەتر ژ کۆنترۆلێ دەرکەڤیت.</span></h2> <h2 style="text-align: justify;"><span style="font-size: 18pt;">خۆپێشاندانێن ئاشتيانه مافەکێ دهستووری یێ پاراستییە، بەلێ ئالۆزی و راگرتنا سازییێن دەولەتێ چ ئاریشەکێ چارەسەر ناکەت و دێ رەوشێ ئالوزتر کەت، لەورا پێدڤیە کەرامەتا سازییێن دەولەتێ یا پاراستی بیت و رێگری ل ئەرک و کاران نەهێتە کرن.</span></h2> <h2 style="text-align: justify;"><span style="font-size: 18pt;">هەر وەسا پێدڤییە لسەر هێزێن ئەمنی د بلندترین ئاست دا ب ژیرانە و هشیاری سەرەدەریێ دگەل رەوشێ بکەن و رێ نە هێتە دان کو خۆ پێشاندان و رووداو ببنە ئەگەرێ تێکچوونا زێدەتر یا رەوشا ئەمنی و کەڤتنا قوربانیان دناڤبەرا عیراقییان دا.</span></h2> <h2 style="text-align: justify;"><span style="font-size: 18pt;">رەوشا وەلاتی پێدڤی ب ڤەگەریان بۆ لوژیک و دەستپێکرنا دانوستاندنێن نشتیمانییە و بەرپرسیارەتی و هاریکارییا هەمووان پێدڤییە ژبۆ هندێ عیراق ژ ڤێ رەوشا دژوار رزگار ببیت و کار ژ دەست دەرنەکەڤیت.</span></h2> <h2 style="text-align: justify;"><span style="font-size: 18pt;">دووپات دکەین کو هەرێما کوردستانێ وەکو هەر جار دێ هاریکار بیت بۆ چارەسەری و لێکتێگەهشتنا لایەنێن عیراقی، لەورا دووبارە هەمی هێز و لایەنێن پەیوەندیدار یێن عیراقێ داخواز دکەین ژ بۆ هندێ بهێن ل هەولێرێ کۆمببن و دەست دانوستاندنێن جددی بۆ دەربازکرنا ڤێ رەوشا ئالوز یا وەلاتی بکەن.</span></h2> <h2 style="text-align: justify;"><span style="font-size: 18pt;">نێچيرڤان بارزانى</span></h2> <h2 style="text-align: justify;"><span style="font-size: 18pt;">سهرۆكێ ههرێما كوردستانێ</span></h2> <h2 style="text-align: justify;"><span style="font-size: 18pt;">2022/8/29</span></h2>
