حكومهتا ههرێما كوردستانێ بهیانهك ل دوور دانانا پیڤهرێ زیرهك و رێژهیا كێمكرنا ب ههدارچوونا كارهبێ بهلاڤكر.
ل دووڤ بهیانێ، حكومهتا ههرێما كوردستانێ ل سالا 2008ێ دهست ب دانانا پیڤهرێ زیرهك بۆ بكارهێنهرێن كارهبێ كر، و ههتا نوكه 90% بكارهێنهرێن كوردستانێ كو دبیته ئێك ملیۆن و 450 هزار بكارهێنهر ئهڤ پیڤهره گرێدایه، و ب ڤێ چهندێ رێژهیا ب ههدارچوونا كارهبێ 45% بۆ 31% كێمبوویه، و خهرجییێن چاككرن، لینك، فیۆز، سلكێت و ههموو پێكهاتهیێن دى یێن كارهبێ نێزیكى 50% كێمبووینه.
حكومهتا ههرێما كوردستانێ مفایێن دانا پیڤهرێ زیرهك د چهند خالان دا دیاركرن.
1 – نههێلانا خواندنا پیڤهرێ مالان ب دهستى كو گهلهك ب ئارامى و كێم و كورى و ههر 60 رۆژان جارهكێ داهاته كرن، و دسهر هندێ را كار ب تمامى نهدهاتهكرن ژى، لێ ب ئهڤى سیستهمى ب تنێ دچهند چركهیاندا پیڤهر دهێته خواندن.
2 – چاڤدێرییهكا تمام و ب شێوهیهكێ ئێكسهر بۆ سیستهمێ كارهبێ دهێتهكرن.
3 – بدهستخستنا زانیارییان ل دوور ( Load) و سهرفكرنا كارهبێ ب شێوهیێ ئێكسهر بۆ پاراستنا بالانسى بهرههمئینان و نههێلانا ب ههدارچوونا كارهبێ ل دهمێن كو پێدڤى ب كارهبێ نهبیت، و نههێلانا برینا كارهبێ ل دهمێ كورتئینان و بهرههمئینانێ.
4 – دشیاندایه ب كارئینانا كارهبێ ل رۆژ و وهزران بهێته كونترۆلكرن.
5 – دشیاندایه بهێته زانین وێستگههێن بهرههمئینانا كارهبێ ههتا چ راده پێگیرى كێمكرنا سهرفكرنا پارهی ل دانانا وێستگههان و كێمكرنا بكارئینانا سوتهمهنیانه، و ئهڤ چهنده پارهیهكێ مهزن بۆ حكومهتێ ڤهدگهرینیت و زیانێن ل سهر ژینگههێ ژى كێم دكهت.
