د.عادل باخەوان بۆ ڕوداو
بەهدینیکرن: بەختیار زێباری
ئەڤا نوکە ل ئیراقێ چێ دبیت، کوردان بڤێت یان نەڤێت ژ ڕویێ ئابۆری و سیاسی و ئێمناھیێ ڤە و پەیوەندیێن نێڤدەولەتی ڤە ب ڕەنگەکێ ئێکسەر کاریگەری لسەر ھەرێما کوردستانێ ھەیە.
١- ئەگەر کورد د نوکەدا ھزربکەن کو دڤێت ئەو بێدەنگ بن و ب تنێ بەرێخوەبدەنە ڤێ ڕەوشێ دروست نینە و ب ڤی ڕەنگی دێ مەترسی لسەر ئێمناھییا ھەرێمێ ھەبیت.
٢- کورد و تایبەت ئەو سیاسیێن کورد یێن ژ بۆی دەزگەھێن ڕاگەھاندنێ یێن عەرەبی د ئاخڤن دڤێت خوە دویربکەن ژ ئازراندنا دناڤبەرا شیعە و سنەیان و دناڤبەرا شیعەیان بخوە ژی( تەیارێ سەدری و چارچوڤەیێ ھەماھەنگییێ).
٣- ئەگەر کورد ب عەقلێ دەولتداریێ ھزربکەن دڤێت ھەر ئەڤ شەڤە ھەمی لایەنێن سیاسی یێن کوردی ئەوێن پشکدار د حکومەتێ دا و ل دەرڤەی حکومەتی ل ژێر سەرپەرشتیا سەرۆکێ ھەرێما کوردستانێ یان ژی ھەمی کەسێن ئێکێ یێن حزبێن کوردی کومببن و ھەمی ناکوکیێن دناڤبەرا خوەدا بدەنە لایەکێ و بریارەکا ئێکگرتی یا ستراتیژی بدەن، ئەگەر نە ئەڤا ل ئیراق چێ دبیت دێ ھەرێما کوردستانێ سوژینیت.
