<h3 style="text-align: justify;"><span style="font-size: 18pt;">پشتى رێبه‌رێ ره‌وتا سه‌در، موقته‌دا سه‌درى داخوازا بدووماهى هاتنا پێكدادانێن به‌غدا كرى، فه‌رمانده‌یێ ئوپه‌راسیۆنێن هه‌ڤپشك یێن عیراقێ بریار دا قه‌ده‌غه‌یا هاتن و چوونێ له هه‌موو پارێزگه‌هێن عیراقێ بهێته راكرن.</span></h3> <h3 style="text-align: justify;"><span style="font-size: 18pt;">دووهى رۆژا دوشه‌مبى 29ى ته‌باخا 2022ێ فه‌رمانده‌یێ ئوپه‌راسیۆنێن هه‌ڤپشك یێن عیراقێ قه‌ده‌غه‌یا هاتن و چوونێ ل سه‌رانسه‌رى عیراقێ راگه‌هاندبوو، و راوه‌ستاندنا ئه‌ڤێ بریارێ پشتى پرێسكۆنفرانسێ ئه‌ڤرۆ یێ موقته‌دا سه‌درى هات، كو ناڤبرى د پرێسكۆنفرانسێ خوه‌دا داخواز ژ لایه‌نگرێن خوه كر دماوێ ئێك ده‌مژمێر دا ده‌ڤه‌را كه‌سك چوول بكه‌ن و پێكدادانان ب دووماهى بینن.</span></h3> <h3 style="text-align: justify;"><span style="font-size: 18pt;">سه‌رۆكێ ره‌وتا سه‌درى دووپات ژى كر، رێشتنا خوینا عیراقییان یا حه‌رامه و گوت : بكوژ و كوشتى دوزه‌خن.</span></h3> <h3 style="text-align: justify;"><span style="font-size: 18pt;">ل دووڤ ئامارێن نه‌یێن فه‌رمى، دماوێ 24 ده‌مژمێرێن بووریدا نێزیكى 25 كه‌سان گیانێ خوه ژ ده‌ستدابوو و ب ده‌هان كه‌سێن دى بریندارببوون.</span></h3>
