هادى عامرى : ده‌ستپێشخه‌رییا سه‌درى یا وێره‌كه‌ و ژ هه‌ژى ده‌ستخوشییێ یه‌

هادى عامرى راگه‌هاند، ده‌ستپێشخه‌رییا موقته‌دا سه‌درى یا وێره‌كه‌ و داخواز ژ هه‌موو هێزان كر هه‌ماهه‌نگییێ بۆ بدووماهى ئینانا ئه‌ڤێ ره‌وشا سیاسى بكه‌ن.

سه‌رۆكێ هه‌ڤپه‌یمانییا فه‌تح هادى عامرى دراگه‌هاندنه‌كێ دا دیاركر، ده‌ستپێشخه‌رییا موقته‌دا سه‌درى بۆ بدووماهى ئینانا توندوتیژییێن چه‌كدارى یا وێره‌كه‌ و ژ هه‌ژى ده‌ستخوشییێ به‌.

ئاماژه‌ ب هندێ ژى كر، ئه‌و ب هه‌موو شیانێن خۆڤه‌ پشته‌ڤانییا ئه‌وان خالان دكه‌ن یێن د ده‌ستپێشخه‌رییێ دا هاتین، و داخوازێ ژ هه‌موو لایه‌نان دكه‌ت وه‌كو سه‌درى پێنگاڤان بۆ رێگرتنێ ل خوین رێشتن و درووستبوونا فیتنه‌ و ئالوزییان پاڤێژن.

هه‌روه‌سا هادى عامرى داخواز ژ هه‌موو هێزێن نیشتیمانى كر هه‌ماهه‌نگییێ بۆ بدووماهى ئینانا ئه‌ڤان قه‌یرانان بكه‌ن و پێنگاڤان بۆ ده‌ركه‌ڤتنا ژ ڤێ قه‌رقه‌شه‌یا سیاسى پاڤێژن ژبه‌ركو گه‌ل باجه‌یا وێ دده‌ت.