جڤاتا بلند یا فه‌توایێ : هه‌ڤژینییا میسیار دگه‌ل كۆمه‌لگه‌ها كوردى ناگونجیت

جڤاتا بلند یا فه‌توایێ ل هه‌رێما كوردستانێ راگه‌هاند، هه‌ڤژینییا میسیار به‌رۆڤاژى داب و نه‌ریتێن كۆمه‌لگه‌ها كوردییه‌ و بۆ كۆمه‌لگه‌هێ یا گونجای نینه‌، و داخواز ژ زانایێن ئایینى كر خوه‌ ژ گرێدانا هه‌ڤبه‌ستێن ئه‌ڤێ هه‌ڤژینییێ دووربكه‌ن.

جڤاتا بلند یا فه‌توایێ دروونكرنا خوه‌دا دبێژیت : ل ڤان رۆژێن دووماهییێ بابه‌تێ هه‌ڤژینییا میسیار ل چه‌ند كه‌نالێن راگه‌هاندن و سوشیال میدیایێ بوویه‌ مژارا سه‌ره‌كى و وه‌لاتى ب ئه‌ڤى بابه‌تى ڤه‌ هاتینه‌ مژوولكرن، ئه‌و ل جڤاتا بلند یا فه‌توایێ یا ئێكه‌تییا زانایان سه‌رنجا موسلمان و وه‌لاتییان بۆ ئه‌وێ راستییێ رادكێشن، كو ئه‌و هه‌ڤژینییه‌ به‌رۆڤاژى داب و نه‌ریتێن كۆمه‌لگه‌ها كوردییه‌ و بۆ كۆمه‌لگه‌هێ یا گونجای نینه‌، ژبه‌ر نه‌گونجاندنا وێ دگه‌ل ئارمانجێن ( مه‌قاصیده‌ ) یێن هه‌ڤژینییێ د ئیسلامێ دا، و داخوازێ ژ زانایێن ئاینى دكه‌ت خوه‌ ژ گرێدانا هه‌ڤبه‌ستێن وێ هه‌ڤژینییێ دوور بكه‌ن.