پرۆفیسۆر سالح مەلا عومەر: ھەلبژارتنێن بەروەخت رەوشا عێراقێ چارەسەر ناکەن

بسپۆرەکێ زانستێن سیاسی ھۆشدارییێ لدۆر بەردەوامییا رەوشا عێراقێ ددەت و ئاماژەکر، بێی تەوافووقا لایەنێن سیاسی رەوشا ئالۆزا عێراقێ ناھێتە چارەسەرکرن خو ئەگەر ھەلبژارتنێن بەروەخت ژی بھێنە كرن.

پرۆفیسۆر سالح مەلا عومەر، بسپۆرێ زانستێن سیاسی بۆ ئاژانسا خانی دیارکر، پشتی ھەلبژارتنێن سالا بووری یێن عێراقێ نەک حكومه‌ت نەھاتییە پێک ئینان و بەرۆڤاژی وێ ئاریشەیێن عێراقێ زێدەتر بووینە و ئالۆزترژی بووینە، ئەز باوەرم دڤێت دەستپێکێ کار بۆ چارەسەرکرنا وان ئەگەران بھێتەکرن یێن ئه‌ڤ ره‌وشه‌ په‌یداكرى، راستە پشتی پەیاما سەدرى شەر ھاتییە راگرتن، بەلێ ئاریشەیێن عێراق تێدا پێدڤی ب چارەسەرییێن بنەڕەتی یه‌ و ئه‌گه‌ر چارەسەری نەبیت، پەرلەمان و حكومه‌ت و دادەگەھێ ژی چ شەرعیەت نامینن.

پرۆفیسۆر سالح مەلا عومەر گوت ژى، ھەلبژارتنێن بەروەخت نابنە ئەگەرێ چارەسەرکرنا ئاریشەیان، ژبه‌ركو رەوش ب ھەلبژارتنان ناھێتە گھۆرین، دڤێت تەوافووق دناڤبەرا لایەنێن سیاسی دا ھەبیت ، ژبه‌ركو دادگەھا فیدرال ژی دەستوەردانێ ل رەوشا سیاسی دکەت و خواندنا جودا بۆ دستووری ھەنە، ئەڤەژی بوویە ئەگەر زێدەتر رەوش ئالۆز بیت، بڕیارا دادگەھێ لدۆر دیارکرنا سەرۆک کۆماری عێراق گەھاندە ئەڤرۆ، لەوما پێدڤییە دادگەھ ژی پێداچوونێ د بڕیارێن خوە دا بکەت.