<h3 style="text-align: justify;"><span style="font-size: 18pt;">یانه‌یا چێلسى یا ئینگلیزى ب فه‌رمى دوورخستنا راهێنه‌رێ خوه یێ ئه‌لمانى توماس توشێلى راگه‌هاند.</span></h3> <h3 style="text-align: justify;"><span style="font-size: 18pt;">یانه‌یا بلۆز د به‌یانه‌كێدا ل سه‌ر سایتێ خوه دووپاتكر، توشێل ژ پوستێ خوه هاته دوورخستن و نوكه كار ل سه‌ر ده‌ستنیشانكرنا جهگرێ وى دهێته‌كرن، هه‌روه‌سا ئاشكراكر، خودانێن نوو یێن یانه‌یێ دبینن نوكه ده‌م یێ گونجایه گهورین بهێنه‌كرن، دڤى ده‌مى دا ده‌سته‌یا راهێنه‌رییا چێلسى دێ سه‌رپه‌رشتییا تیمێ كه‌ت و بله‌ز دێ كار بۆ دامه‌زراندنا راهێنه‌ره‌كێ نوو هێته‌كرن، و هه‌تا راهێنه‌رێ نوو نه‌هێته ده‌ستنیشانكرن ئه‌و چ كۆمێنتان ل سه‌ر ئه‌ڤى بابه‌تى ناده‌ن.</span></h3> <h3 style="text-align: justify;"><span style="font-size: 18pt;">ئه‌ڤ دوورخستنا توشێلى هات، پشتى یانه‌یا له‌نده‌نى ده‌ستپێكه‌كا خراب ل ڤى وه‌رزى تۆماركرى، كو دشه‌ش یارییێن پرێمیێر لیگێ دا ب تنێ سێ سه‌ركه‌ڤتن تۆماركرینه، ئێك جار وه‌كهه‌ڤبوویه و دوو جاران تووشى دۆراندنێ بوویه و ل رێزا شه‌شێ دهێت، و شڤێدى وه‌رزێ خوه یێ چامپیۆنز لیگێ ژى ب دۆراندنه‌كا نه‌چاڤه‌رێكرى لسه‌ر ده‌ستێ مێڤاندارا خوه دینامۆ زه‌گرب یا كرواتى ب گۆله‌كێ بێ به‌رامبه‌ر ده‌ستپێكر.</span></h3> <h3 style="text-align: justify;"><span style="font-size: 18pt;">دهێته زانین توشێلێ 49 سالى ل كانوونا دووێ یا سالا 2021ێ ل شوونا فرانك لامپاردى پۆستێ راهێنه‌رییا چێلسى وه‌رگرتبوو، و دچه‌ند هه‌یڤێن كێمدا شیا ناسناڤێ چامپیۆنز لیگێ ل سه‌ر كیستێ یانه‌یا مانچسته‌ر ستى بده‌ستڤه‌ببه‌ت.</span></h3>
