سهرۆك بارزانی پێشوازی ل هاریكارا وهزیرێ دهرڤه یێ ئهمریكا بۆ كاروبارێن رۆژههلاتا ناڤین و شاندهكێ ل گهل دا كر.
سهرۆك بارزانى دیار كر، ژێدهرێ كێشه و قهیرانێن سیاسى یێن عیراقێ ڤهدگهڕن بۆ پابهندنهبوون ب دهستوورى، نهمانا بنهمایێن شهراكهتێ، ههڤسهنگی و سازانێ د پرۆسا سیاسى یا عیراقێ دا و رێزنهگرتن ل ئهنجامێن ههلبژارتنان و پرۆسا دیمۆكراسیێ.
ئهڤرۆ چارشهمبی 7/9/2022 ێ سهرۆك بارزانى ل گهل باربارا لیف، هاریكارا وهزیرێ دهرڤه یێ ئهمریكا بۆ كاروبارێن رۆژههلاتا ناڤین و شاندهكێ ل گهل كو پكیهاتبوون ژ ئهلینا رۆمانۆسكى، بالیۆزا ئهمریكا ل عیراقێ و ئێرڤن هیكسن، كونسلێ گشتی یێ ئهمریكا ل ههولێرێ، كۆمبوو.
د كۆمبوونێ دا هاریكارا وهزیرێ دهرڤه یێ ئهمریكا بۆ كاروبارێن رۆژههلاتا ناڤین سلاڤێن بایدنى گههاندنه سهرۆك بارزانى و ئاماژه ب وێ چهندێ دا كو جۆ بایدن، سهرۆكێ ئهمریكا ب گرنگیهكا مهزن بهرێ خوه ددهته ههرێما كوردستانێ و ههرێما كوردستانێ ب ئێك ژ ئهولهوییهتا سیاسهتا دەرڤە یا وهلاتى دبینیت و دووپاتكر، كو سهروهرى و سهقامگیریا ههرێما كوردستانێ و عیراقێ بناغهكه بۆ سهقامگیرى و پێشكهفتنا دەڤەرێ.
ئهو ژی گۆت: ئهمریكا ب هیڤى تهماشهیى پهیوهندیێن ههرێما كوردستانێ و حكومهتا فیدرال دكهت و رۆلێ سهرۆك بارزانى د چارهسهركرنا پهیوهندیێن ههرێما كوردستانێ و حكومهتا فیدرال دا و چارهكرنا كێشان ل سهر بنهمایێ دهستوورى بلند نرخاند و داخواز ژ سهرۆك بارزانى كر: ب ژیری و كاریگهریا خۆ زێدهتر رۆلێ خۆ بۆ چارهكرنا كێشهیان و نههێلانا داخستنا سیاسى ل عیراقێ ببینیت.
ههروهسا سهرۆك بارزانى” كورتیهك ل دۆر رهوشا سیاسى یا عیراقێ و ئهگهرێ داخستنا سیاسى یا عیراقێ ئاشكرا كر و گۆت، ژێدهرێ كێشه و قهیرانێن سیاسى یێن عیراقێ ڤهدگهڕن بۆ پابهندنهبوون ب دهستوورى، نهمانا بنهمایێن شهراكهتێ، ههڤسهنگی و سازانێ د پرۆسا سیاسى یا عیراقێ دا و رێزنهگرتن ل ئهنجامێن ههلبژارتنان و پرۆسا دیمۆكراسیێ.
سهرۆك بارزانى ئهو ژی دیار كر: پێدڤییه بابهتێن بنهرهتى یێن د ناڤبهرا ههرێمێ و بهغدا دا د كڤانێ دهستوورى دا بهێنه چارهكرن و دڤێت ههر رێككهفتن و پێكهاتنهك ل سهر بنهمایێ دهستوورى بیت و ههروهسا بۆ چارهكرنا كێشان ” دڤێت فهرههنگا ئێكدو قهبوولكرنێ ههبیت و نابیت چ ئالى بزاڤا ژناڤبرنا یێن دى بدهن و دڤێت رێزێ ل دهستوورى بگرن.
سهرۆك بارزانى دیار كر ژی: چ كێشه ل ههمبهرى ههلبژارتنێن پێشوهخت نینن و ب مهرجهكى زهمینهسازییا سیاسى و قانوونى بۆ بهێتهكرن و چ ئالی و پیكهاتهك نههێنه پشتگوهخستن و رێز ل ئهنجامێن وان هەلبژارتنان بهێته گرتن.
