وه‌زیرێ ئه‌وقاف و كاروبارێن ئایینى یێ حكومه‌تا هه‌رێما كوردستانێ و هاریكارا وه‌زیرێ ده‌رڤه یێ ئه‌مریكا كۆمبوون و چه‌ند بابه‌ت گوتوبێژكرن.
ئه‌ڤرۆ هه‌شتى ئه‌یلولا 2022ێ وه‌زیرێ ئه‌وقاف و كاروبارێن ئایینى د. پشتیوان سادقى پێشوازى ل هاریكارا وه‌زیرێ ده‌رڤه یێ ئه‌مریكا بۆ كاروبارێن رۆژهه‌لاتا ناڤین بارابار لیف و شاندێ دگه‌لدا كر.
دكۆمبوونێ دا دانوستاندن ل دوور گوتار و رۆلێ ماموستاییێن ئایینى یێن هه‌رێما كوردستانێ و كولتۆرێ پێكڤه‌ژیانا خه‌لكێ كوردستانێ و به‌رنامه‌یێن حكومه‌تا كوردستانێ بۆ ئه‌ڤێ مه‌ره‌مێ هاته كرن، وه‌زیرێ ئه‌وقافێ رۆلێ ماموستایێن ئایینى یێن مزگه‌فت و جهێن ئاینێن دى د گوتار و پێشڤه‌برنا گیانێ پێكڤه‌ژیانێ دا بلند نرخاند، دووڤدا روونكرنه‌ك ل دۆر رۆلى زه‌لامێن ئاینێن مه‌سیحى، ئێزیدى و ئاینێن دى دا.
دبه‌رامبه‌ر دا باربارا لیفێ سوپاسییا خه‌لكێ كوردستانێ و ماموستایێن ئایینى كر، و خۆشحالییا خوه ل دوور وان تابلۆیێن پێكڤه‌ژیانێ یێن ل هه‌ریمێ دیتن ده‌ربرى، و پشتڤه‌نیكرنا وه‌لاتێ خوه بۆ هه‌رێما كوردستانێ دووپاتكر و سوپاسییا هه‌موو خه‌لكێ كوردستانێ و زه‌لامێن ئایینى كر.
