وهزیرێ كارهبێ یێ حكومهتا ههرێما كوردستانێ راگههاند، ژبهر كێمبوونا سهرپێچییان كارهبا زێدهتر دێ ب وهلاتییان هێته دان.
ل دۆڤ سایتێ فهرمى یێ حكومهتا ههرێما كوردستانێ، وهزیرێ كارهبێ كهمال محهمهد سالحى دكۆمبوونهكا بهرفرههدا كو رێڤهبهرێن گشتى یێن كارهبێن پارێزگههـ و ئیدارهیێن سهربهخۆ تێدا دپشكداربوون، بریاردا كار بۆ نههێلانا سهرپێچییان ل سهر تۆرێن كارهبا نیشتیمانى بهێتهكرن، و ژ وى دهمێ بریار چوویه دبوارێ بجهئینانێدا، رێژهیهكا مهزن یا كارهبێ ڤهگهریایه ناڤ تۆرێن كارهبا نیشتیمانى و بوویه ئهگهرێ زێدهبوونا دهمێ پێدانا كارهبێ ب وهلاتییان.
ئاماژه ب هندێ ژى هاته كرن، وهزارهتا كارهبێ ئهڤ پێنگاڤه هاڤێت، پشتى كابینهیا نههێ یا حكومهتا ههرێما كوردستانێ بریارداى چاكسازییهكا تمام د ئهوان سێكتهران دا بكهت یێن دبنه ئهگهرێ باشتر خزمهتكرنا وهلاتییان و نههێلانا گهندهلییێ، و سهرپێچكاران رادهستى دادگههێ بكهت.
وهزارهتا كارهبێ دیار ژى كر، بۆ هندێ داكو پرۆژه بشێوهیهكێ روون و شهفاف بهێته برێڤهبرن، وهزارهتا كارهبێ ب رێكا لژنهیهكا تایبهت، خشتهیێ جزا و سهرپێچییێن سهر تۆرێن كارهبێ دههشت ههیڤێن دهستپێكێ یێن ئهڤ ساله دا بهلاڤكرن كو ب ئهڤى جوورییه.
دههشت ههیڤێن دهستپێكێ یێن ئهڤ سالهدا، زێدهتر ژ ههشت هزار سهرپێچییان ل سهرانسهرى ههرێمێ هاتینه تۆماركرن، چار هزار و 596 سهرپێچیى یێن پیڤهرێ زیرهك بوون كو 29 دۆسه بۆ دادگههێ هاتینه رهوانهكرن.
