بریکارێ وەزارەتا ساخلەمییێ: ھەردو کەرتێن تایبەت و گشتی دێ ھێنە رێکخستن

بریکارێ وەزارەتا ساخلەمییێ ئاشکراکر، نوکە وەزارەت مژوولی رێکخستنا کەرتێ ساخلەمییێ یە و ھەردو کەرتێن تایبەت و گشتی دێ ھێنە رێکخستن بۆ پتر بەرەف پێشبرنا کەرتێ ساخلەمییێ.

رەھێل فەرەیدون، بریکارێ وەزارەتا ساخلەمی بۆ ئاژانسا خانی دیارکر، نوکە وەزارەت مژوولی رێکخستنا کەرتێ ساخلەمییێ یە و بۆ ڤێ مەرەمێ لژنەک ھاتییە پێکئینان، ھەتا کەرتێ تایبەت و گشتی بھێنە رێکخستن، ئەڤەژی بۆ زێدەتر بەرەف پێشبرنا کەرتێ ساخلەمییێ و خزمەتکرنا وەلاتیایه‌.

رەھێل فەرەیدون ئاماژەکر، ل دووڤ بڕیارا وەزارەتێ ل ھەموو نەخۆشخانان بسپۆر بۆ ھاتینە دانان و بەردەوام چارەسەرییا نەخۆشان دکەن، ل داھاتی دێ چەندین گۆھۆڕین ل کەرتێ ساخلەمییێ ھێنە کرن و دێ کاریگەری لسەر کەرتێ ساخلەمییێ ھەبیت ، حکومەت دێ زێدەتر گرنگییێ ب کەرتێ گشتی دەت ب مەرەما پێشکێشکرنا پترین خزمەت گوزاریێن ساخلەمییێ.