ژ بۆ دهربرینا نهرازیبوونێ ب دژى گیان ژ دهستدانا ژینا ئهمینى، مانگرتنێ ل ژمارهكا باژێرێن رۆژههلاتا كوردستانێ دهستپێكر و بههرا پتر یا دوكان و بازاران هاتنه گرتن و سهقایێ ئێمناهییێ ل ئهوان دهڤهران یێ زاله.
ل دووڤ راپۆرتا رێكخراوهكا مافێ مرۆڤێن رۆژههلاتا كوردستانێ، دوكان و بازارێن باژێرێن سهقز، سنه، مهاباد، شنۆ، نهغهده، پیرانشار، دیواندهره، بۆكان، مهریوان و بهشهك ژ دوكانێن باژێرێن كامێران و سهردهشتی ژى هاتینه گرتن.
ل دووڤ زانیاریان، ل هندهك باژێران دوكان هاتینه گرتن و بێدهنگى ل ئهوان جهان زالبوویه و فشار ل سهر دوكانداران دهێته كرن كو ڤهگهرنه سهر كارێن خوه.
ژینا ئهمینى ل ئێڤارییا رۆژا سێشهمبى 13ى ئهیلولا 2022ێ ل وێستگهها حهقانیی میترو تههران ژلایێ پۆلیسێن تههرانێڤه ب تۆمهتا پابهندنهبوون ب بالاپۆشییێ هاتنه دهستهسهركرن، پشتى وێ بۆ زیندانا پۆلیس ل جاددهیا وهزیرێن تههرانێ هاتبوو ڤهگوهاستن، ئهو كهسێن دگهل ژینایێ هاتینه دهستهسهركرن بۆ دهزگههێن راگههاندنێ دیاركربوو، ل دهمێ ڤهگوهاستنێ بۆ زیندانێ، پۆلیسان چهند دربهك ل ژینایێ دان و ل زیندانێ رهوشا ساخلهمییا وێ تێكچوو و جهلتهیێن دل و مێشكى لێدا و پشتى سێ رۆژان گیانێ خوه ژ دهستدا.
