سه‌رۆك بارزانی ب هه‌لكه‌فتا ده‌ربازبوونا 52 سالیا ب سه‌ر دامه‌زراندنا ئێكه‌تییا زاناییێن ئاینێ ئیسلاما كوردستانێ پیرۆزباهیێن گه‌رم ل سه‌رۆك و ئه‌ندامێن مه‌كته‌با ته‌نفیزى و جڤاتا ناڤه‌ندا ئێكه‌تییا زانایان و هه‌مى مامۆستاییێن ئاینییێن پیرۆز كر.
سه‌رۆك مسعود بارزانی ئه‌ڤرۆ ڕاگه‌هاند، دامه‌زراندنا ئێكه‌تییا زاناییێن ئاینێ ئیسلاما كوردستانێ ب هاریكارى و ڕاسپارده‌یا بارزانیێ نه‌مر بڕیاره‌كا گرنگ و كاریگه‌ر بوو بۆ بهێزكرنا رۆلێ مامۆستاییێن ئاینى د شۆره‌ش و خه‌باتا گه‌لێ مه و هه‌روه‌سا به‌لاڤكرنا دیندارى و خودێ نیاسین و بهێزكرنا فه‌رهه‌نگا پێكڤه‌ژیان و به‌رهنگاربوونا هزرا تۆندره‌ویێ.
سه‌رۆك بارزانى دیاركر، رۆل و قوربانیدانا مامۆستایان و مه‌زنه‌زانایێن كوردێن ئاینێ ئیسلامى د پێشڤه‌برنا مرۆڤى و هزرا نه‌ته‌وه‌یى و نشتیمانپه‌روه‌ریێ و ره‌تكرنا ژێرده‌ستیێ د دیرۆكا ملله‌تێ مه‌دا گه‌له‌كێ به‌رچاڤ بوو، ب پشتراستى ئه‌ڤ رۆله د قوناغا نوكه و داهاتیدا گرنگ و گاریگه‌ر دێ مینیت.
