چار جهێن بازرگانى ل ناحییا بامه‌رنێ هاته‌ داخستن

کاروان حاجی سەرۆکێ  لژنا ئابووری و بەرپرسێ بنگەهێ چاڤدێرییا بازرگانی ل قایممقامییا قەزا ئامێدییێ بۆ ئاژانسا خانی دیارکر، د بەردەوامییا سەرەدانێن خوەدا، ئەڤرۆ روژا چارشەمبی لژنا ئابووری یا قایممقامییا قەزا ئامێدییێ ب مەرەما دوڤچوونێ ، سەرەدانا بازارێ ناحییا بامەرنێ  و کەمپا داودییێ  کر.

کاروان حاجی ئاماژە کر، ئەو سەرەدانە یا تایبەت بوو ب دیڤچوونا گرانییا بهایێ کەلو پەلان د بازاری دا و پشکنینکرنا کەلو پەلێن دەم بسەرڤەچوویی.

سەرۆکێ  لژنا ئابووری دیارکر، ژبەر نەپێگرییێ ب رێنمایێن لژنا ئابووری یا قایممقامییا قەزا ئامێدییێ چار  جهێن بازرگانی هاتنە دائێخستن ژبەر هەبوونا کەلوپەلێن قەدەغەکری و نەبوونا دەستیرییا کاری، هەروەسا داکوکی ل هەمی جهێن بازرگانی کر کو ل دووف  رێنمایان کاربکەن ژبۆ پاراستنا ساخلەمییا وەلاتییان .