<h2><span style="font-size: 18pt;">فەرمانگەها میدیا و زانیاری یا هەرێما كوردستانێ ئاشكەراكر، بۆ ئەنجامدانا پرۆژێ هێلا شەمەندەفرێ حكومەتا هەرێمێ گرێبەست دگەل دوو كۆمپانییان ئیمزاكرییە و ب شێوازێ وەبەرهێنان دێ دەست ب جهـئـینانا وی پرۆژەی هێتەكرن.</span></h2> <h2><span style="font-size: 18pt;">دیار ژی كرییە، پرۆژێ هێلا شەمەندەفرێ یا هەرێما كوردستانێ ژ دوو قۆناغان پێكهاتییە.</span></h2> <h2> <span style="font-size: 18pt;">قۆناغێن پرۆژەی:</span> <span style="font-size: 18pt;">دانانا هێلا شەمەندەفرێ یا هەرێما كوردستانێ د قۆناغا دیراسەتكرنێ دایە و وەزارەتا ئاڤەدانكرنێ گرێبەستەك بۆ دەمێ 9 هەیڤان دگەل كۆمپانییا كۆنسترانسە بۆ دیراسەتكرنا دانانا هێلا شەمەندەفرێ ئیمزاكرییە. دیراسەتكرنێ ژی چەندین قۆناغ هەنە و تێدا لایەنێن ئابووری و بازرگانی و كۆمەلایەتی و ژینگەهی و كوالێتی و ئەندازیاری و شێواز و جهێ رێرەوێ شەمەندەفرێ و خەرجییێن وێ دێ هێنە گۆتۆبێژكرن. </span> <span style="font-size: 18pt;">پشتی تەمامبوونا قۆناغا ئێكێ، د قۆناغا دووێ دا دیزاینێ هێلا شەمەندەفرێ دهێتەدانان و وەزارەتا ئاڤادانكرنێ ل ژێر چاڤدێرییا سەرۆكێ حكومەتێ گرێبەستەك دگەل كۆمپانییا دوێچە بان یا ئەلمانی ئیمزاكرییە و ددویڤدا دیزاین ژلایێ حكومەتێ ڤە دێ هێتە پەسەندكرن و ب رێیا وەبەرهێنانێ دێ دەست ب درۆستكرنا پرۆژەی هێتەكرن.</span></h2> <h2><span style="font-size: 18pt;">رێیا پرۆژەی:</span> <span style="font-size: 18pt;">رێیا پرۆژەی ل سەر دوو قۆناغان هاتییە دابەشكرن، قۆناغا ئێكێ یا سەرەكییە و ژ ئیبراهیم خەلیل بۆ زاخۆ و دهۆك و هەولێر و سلێمانی و گەرمیان دەستپێدكەت. </span> <span style="font-size: 18pt;">قۆناغا دووێ چەند هێلەكێن دی یێن لاوەكی ل سەر هێلا سەرەكی بۆ دەڤەرێن هەرێمێ دێ هێنە درۆستكرن. ل سنۆرێ پارێزگەها دهۆك بۆ دەڤەرێن بەرواری بەرەڤ ئامێدییێ و ژ سنۆرێ پارێزگەها هەولێرێ بەرەڤ چومان و حاجی ئومەران و سنۆرێ سلێمانییێ ژی بەرەڤ ئیدارا سەربەخۆ یا راپەرین و هێلەك بەرەڤ پێنجوین و باشماخ دچیت. </span> <span style="font-size: 18pt;">پرۆژێ هێلا شەمەندەفرێ پرۆژەكێ ستراتیژی یێ مەزنە و رێرەوێ وێ 620 كیلۆمەترە، ماوێ ئەنجامدانێ دبیت 4 هەتا 5 سالان ڤەكێشیت و بۆدجا وێ 5 هەتا 6 ملیار دۆلارایە. </span> <span style="font-size: 18pt;">فەرمانگەها میدیا و زانیاری</span> <span style="font-size: 18pt;">28ی ئیلۆنا 2022</span></h2>
