” بریكارێ وەزارەتا نافخۆ یا عیراقێ سۆپاسییا دژە تیرۆرا هەرێمێ و وەزیرێ نافخۆ یێ هەرێمێ دكەت بۆ دەستەسەركرنا وی تیرۆرستی “
بەرپرسەكێ داعشێ كۆ ژ زیندانەكا بەغدا رەڤی بوو، ل باژێرێ هەولێرێ هاتە دەستەسەركرن و رادەستی هێزێن ئەمنی یێن عیراقێ هاتە كرن.
رۆژا 28ی ئیلونا 2022ێ، ئاژانسا هەوالگری و ڤەكۆلینێن فیدرالی یا سەر ب وەزارەتا نافخۆ یا عیراقێ ڤە د دوو راگەهاندنان دا زانیاری دەربارەی دەستەسەركرنا كەسەكی ب ناڤێ عەبدولعەزیز جبووری بەلاڤكرن. ب گۆتنا ئەندامەكێ لیژنا ئاسایش و بەرگرییێ یا پەرلەمانێ عیراقێ، ئەو كەسە بەرپرسەكێ رێكخراوا داعشێ یە و سزایێ سێدارەدانێ هەیە.
د راگەهاندنا ئاژانسا هەوالگری و ڤەكۆلینێن فیدرالی دا زانیاری دەربارەی رەڤین و دەستەسەركرنا عەبدولعەزیز جبوری هاتینە بەلاڤكرن، كۆ رۆژا 23ی ئیلونا 2022ێ ژ ئێك ژ زیندانێن بەغدا رەڤییە.
