جێگرێ پارێزگارێ نه‌ینه‌وا راگه‌هاند، پارێزگه‌ها نه‌ینه‌وا ب رێبه‌رییا سه‌رۆك بارزانى ژ ده‌ستێ تیرۆرستێن داعشێ رزگاربوویه و نابیت چ كه‌س و لایه‌ن خوه ب سه‌ر ئه‌وێ پارێزگه‌هێدا ب سه‌پینن.
ئه‌ڤرۆ دووێ چریا ئێكێ یا سالا 2022ێ جێگرێ پارێزگارێ نه‌ینه‌وا سیروان رۆژبه‌یانى د پرێسكۆنفرانسه‌كیدا دووپاتى ل گرنگییا ب رۆلێ سه‌رۆك بارزانى و هێزێن پێشمه‌رگه‌ى د ئازادكرنا پارێزگه‌ها نه‌ینه‌وا ل ژێر ده‌ستێ تیرۆرستێن داعشێ كر.
جێگرێ پارێزگارێ نه‌ینه‌وا گوت : پرۆسه‌یا ئازادكرنا پارێزگه‌ها نه‌ینه‌وا ل هه‌رێما كوردستانێ و ب رێبه‌رییا سه‌رۆك بارزانى ده‌ستپێكر، سه‌رۆك بارزانى ببوو قورتالكه‌رێ شنگال، زوممار، ده‌شتا نه‌ینه‌وا و ده‌ڤه‌رێن دى یێن باژێرێ مووسل، و زێده‌تر ئاشكراكر، نه‌ینه‌وا یا هه‌موو پێكهاته‌یێن ئه‌وى باژێرییه و ئه‌ركێ هه‌موو لایه‌نانه خزمه‌تا ئه‌وێ بكه‌ن، لێ بۆ چ لایه‌ن و كه‌سان نینه ب تنێ خوه ب سه‌ر پارێزگه‌ها نه‌ینه‌وادا ب سه‌پینن.
