ئهڤرۆ ئێكشهمبی، 2022/10/2 ێ” نێچيرڤان بارزانى، سهرۆكێ ههرێما كوردستانێ، پێشوازى ل كريستيان كامبۆن سهرۆكێ كۆمسيۆنا پهيوهندی یێن دهرڤه و بهرگرى و هێزێن چهكدار ل جڤاتا پيرێن فرهنسا و شاندهكێ ل گهل دا كر .
د ديدارهكێ دا پهيوهندی یێن ههرێما كوردستانێ و عێراقێ ل گهل فرهنسا و چاوانییا گرنگیدانێ ب هاريكاری یێن ههڤپشك دناڤبهرا وان دا هاتنه بهحس كرن و دهربارهیى كێشێن ههولێر و بهغدا، مهترسی یێن داعشێ ل عێراقێ و سووريێ، رهوشا سياسى و تهحهدی یێن ل ههمبهری عێراقێ هاتنه بهحس كرن.
نێچيرڤان بارزانى، سوپاس و پێزانينێن ههرێما كوردستانێ بۆ پشتگيريیا سياسى، سهربازى و مرۆڤی یا فرهنسا دووپات كرن و ب تايبهتى ئاماژه ب ڕۆلێ سهرۆك ئيمانوێل ماكرۆنی و بزاڤێن وی بۆ ئارامى و سهقامگيرىیێ ل عێراق و ڤێ دهڤهرێ ب گشتى كر.
ههروهسا هيڤى خواست دۆستێن عێراقێ هاريكاريیا ههرێما كوردستانێ و عێراقێ بكهن بۆ چارهسهركرنا كێشێن وان و دووپات كر كو بێی چارهسهركرنا كێشێن ههولێر و بهغدا، سهقامگيرییا سياسى ل عێراقێ پهیدا نابیت و چارهسهركرنا كێشێن ههردو لایان ب كليلا ئارامیێی و سهقامگيريیا عێراقێ ل قهلهم دان.
كامبۆنی، زێدهباری دووپاتكرنا بهردهواميیا پشتگيريیا فرهنسا بۆ ههرێما كوردستانێ و گههاندنا سڵاڤێن سهرۆك ماكرۆنی و سهرۆكێ سێناتێن فرهنسا بۆ سهرۆك نێچيرڤان بارزانى، دووپاتی ل گرنگيیا پێشخستنا پهيوهندی یێن وهلاتێ وى ل گهل عێراقێ و ههرێما كوردستانێ، ب تايبهتی د بیاڤێ ئابوورى و وهبهرهێنانێ دا كر، ههروهسا ئامادهيیا فرهنسا بۆ هاریكارییا عێراقێ و ههرێما كوردستانێ بۆ چارهسهكرنا كێشێن وان و ڤهگهراندنا سهقامگيرییێ نيشان دا.
پهيوهندی یێن عێراقێ و ههرێما كوردستانێ ل گهل وهلاتێن جیران، چاوانییا بهرهنگاربوونا هێرشێن داعشێ، ڕهوشا ئێزدى و كريستيانان و پێكهاتان ل ههرێما كوردستانێ، رهوشا ڤێ دهڤهرێ ب گشتى و چهند پرسێن ديتر جهێ گرنگییان ههڤپشك، تهوهرهكێ ديتر یێ وێ ديدارێ بوو .
