سه‌رۆك وه‌زیرێن بریتانیا بۆ مه‌سرور بارزانى : هیڤیدارم پێكڤه‌ كار بۆ بهێزتركرنا په‌یوه‌ندییێن خوه‌ بكه‌ین

نامه‌یه‌ك ژ سه‌رۆك وه‌زیرێن بریتانیا لیز تره‌س گه‌هشته‌ سه‌رۆكێ حكومه‌تا هه‌رێما كوردستانێ مه‌سرور بارزانى.

سه‌رۆكا وه‌زیرێن بریتانیا لیز تره‌سێ دنامه‌یا خوه‌دا ئاماژه‌ ب سه‌ره‌دانا سه‌رۆكێ حكومه‌تێ بۆ بریتانیا ل هه‌یڤا نیسانا بوورى كر و دیاركر، ئه‌و یا كه‌یفخۆشه‌ ل هه‌یڤا نیسانا ئه‌ڤ ساله‌ ل له‌نده‌ن پێشوازى ل سه‌رۆكێ حكومه‌تا هه‌رێمێ كرى و هیڤیداره‌ ئه‌ڤ سه‌ره‌دانه‌ یا به‌رهه‌مدار بیت.

هه‌روه‌سا لیز تره‌سێ به‌حسى په‌یوه‌ندییێن مێژوویى یێن دناڤبه‌را هه‌رێما كوردستان و بریتانیا داكر و گوت : ئه‌و گه‌له‌ك یا كه‌یفخۆشه‌ كو په‌یوه‌یێن ئه‌وان یێن مێژوویى ئه‌ڤرۆ ژ هه‌موو ده‌مێن بوورى بهێزترن، ئه‌وان هه‌ڤپشكى هه‌یه‌ و پابه‌ندێن پاراستنا ئاسایش و سه‌قامگێرییا هه‌رێما كوردستانێ وه‌ك پشكه‌ك د عیراقه‌كا بهێز دا نه‌، و دێ به‌رده‌وام نێزیكى ئێك بن و رووبروو تیرۆرێ بن.

سه‌رۆكا وه‌زیرێن بریتانیا ل دووماهییا نامه‌یا خوه‌ بۆ سه‌رۆكێ حكومه‌تا هه‌رێما كوردستانێ نڤێسییه‌، هیڤیداره‌ پێكڤه‌ كار بۆ بهێزكرنا په‌یوه‌ندییێن خوه‌ بكه‌ن.